Luke 5:33 - MUKANDA WA MYIDI MUKULU

³³ Bantu kuamba Yezu ne: — Balongi ba Yowanane badi bajila biakudia misangu ne misangu, batendelela kabidi Mvidi Mukulu. Balongi ba Baparushe badi benza bia momumue. Kadi balongi bebe wewe badi anu badia, banua.

Mukanda wa Nzambi Dihungila Dikulukulu ne Dihungila Dihia-dihia 2003

³³ Bakamuambila ne, Bayidi ba Yone batu bajila bia kudia misangu ya bungi, batu balomba Nzambi, bayidi ba Bafalese batu benza nunku kabidi; kadi bebe batu badia, batu banua.

Luke 5:33 ပူးပေါင်းရင်းမြစ်များ

Nsumuinu 28:9

Pikala muntu kayi uteleja tshidi mikenji yamba, nenku Mvidi Mukulu kakumuteleja padiye umutendelela nansha.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Zekâya 7:6

Nansha panudi nudia, nunua, nudi nuenza amu bua kudisankisha nkayenu!”

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Marke 12:40

Badi banyenga bakaji bakamba bionsu bidibu nabi, kabidi badi batendelela mutantshi mule bua kumuenekabu bantu bakane. Kadi nebabanyoke bikole bipite.

Luke 11:1

Dituku dikuabu Yezu uvua utendelela muaba kampanda. Ujikija, umue wa ku balongi bende kumuebeja ne: — Mfumu, ubilongeshe mutudi mua kutendelela, muvua Yowanane mulongeshe balongi bende.

Luke 18:12

Meme ndi njila biakudia matuku abidi ku lumingu, nkulambula tshia dikumi tshia bintu bionsu bindi mpeta.”

Luke 2:37

Pashishe kushalaye mukamba. Tshikondu atshi uvua mukumbaje bidimu makumi muanda mukulu ne binayi. Uvua ukuatshila Mvidi mukulu mudimu bufuku ne munya, kayi umuka mu nzubu wende. Uvua ujila biakudia, utendelela Mvidi Mukulu.

Luke 20:47

Kadi badi banyenga bakaji bakamba nzubu ne bionsu bidibu nabi. Pine apu badi batendelela mutantshi mule bua bamueneke bu bantu bimpe. Kadi nebabanyoke bikole bipite!

Luke 5:32

Tshiena muvue kubikila bantu ba nsongu, kadi anu bantu babi, bua balengeje nsombelu yabu.

Luke 5:34

Yezu kubakonka ne: — Bantu badibu babikila mu didia dia dibaka, nudi mua kubabambidika bua bajile biakudia, muena dibaka mutshikale nabu anyi? Kanuena mua kuenza nanku to!

Yowanane 1:35

Butshia, Yowanane uvua kabidi muaba awu pamue ne balongi bende babidi.

Yowanane 3:25

Bamue balongi ba Yowanane kutuadija kuelangana mpata ne muena Yuda pa mikenji ya dikobolola.

Bienzedi 9:11

Mfumu kumuambila ne: — Juka, uye lukasa mu musesu Mululame. Ukonke ku nzubu kua Yudase. Kudi muntu wa mu Tarse, dina diende Shawule. Udi utendelela mpindiewu.