Luke 5:32 - MUKANDA WA MYIDI MUKULU

³² Tshiena muvue kubikila bantu ba nsongu, kadi anu bantu babi, bua balengeje nsombelu yabu.

Mukanda wa Nzambi Dihungila Dikulukulu ne Dihungila Dihia-dihia 2003

³² Tshiakuluila bua kubikila badi bakane bua kukudimunabo mitshima yabo, nakuluila bua kubikila anu badi babi.

Luke 5:32 ပူးပေါင်းရင်းမြစ်များ

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Marke 15:10

Bualu uvua mumanye ne: bamfumu ba batuangaji mbafile Yezu mu bianza biende bualu bavua nende ne lubabu.

Marke 15:7

Kadi, kusua muntu uvuabu babikila ne: Barabase. Usua mu lukanu pamue ne bantomboji nende bavua bashipe muntu diba divua bantu bajula ndululu.

Marke 2:17

Yezu umvua nanku, kubambilaye ne: — Bantu badi ne bukole bua mubidi kabena bakengela munganga nansha, amu badi basama ke badi bamukengela. Tshiena mulue kubikila bantu bakane. Kadi ndi mulue kubikila benji ba malu mabi.

Luke 15:10

Ndi nnuambila ne: ke mudi batumibue ba Mvidi Mukulu basanka bua muena malu mabi udi udilengeja.

Luke 15:7

Ndi nnuambila ne: ke mudibu basanka bipite mu diulu, bua muena malu mabi udi udilengeja, mudibu kabayi mua kusanka bua bantu makumi tshitema ne tshitema badi kabayi ne bua kudilengeja.

Luke 19:10

Muana wa muntu mmufike bua kukeba ne kusungidila bantu bavua bajimine.

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Luke 5:31

Yezu kubandamuna ne: — Bantu badi ne bukole bua mubidi, kabena bakengela munganga to. Anu badi basama, ke badi bamukengela.

Luke 5:33

Bantu kuamba Yezu ne: — Balongi ba Yowanane badi bajila biakudia misangu ne misangu, batendelela kabidi Mvidi Mukulu. Balongi ba Baparushe badi benza bia momumue. Kadi balongi bebe wewe badi anu badia, banua.

Bienzedi 17:30

Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Bienzedi 3:26

Mvidi Mukulu mmusungule muntu wende; mmudianze kumutuma kunudi, bua nulekele kulonda njila yenu mibi, nupete diakalenga.

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

2 Petro 3:9

Bamue bantu badi bela meji ne: Mfumu udi ujingakana bua kukumbaja bivuaye mulaye. Kadi kabiena nanku nansha. Udi ne lutuulu lua bungi bualu buenu. Bualu udi musue bua muntu nansha umue kajiminyi, kadi bua bonsu bapete diba dia kubenga malu mabi.