Luke 5:26 - MUKANDA WA MYIDI MUKULU

²⁶ Bantu bonsu kukema. Bavua batumbisha Mvidi Mukulu, bikale ne bowa bua bungi, bamba ne: — Lelu tudi bamone malu a dikema!

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Buonso buabo bakakema, bakatumbisha Nzambi; buowa buakabakuata, bakamba ne, Lelu tuakutangila malu a kukema.

Luke 5:26 ပူးပေါင်းရင်းမြစ်များ

Yirmeya 33:9

Nanku, nengikale ne disanka pa kutela dina dia Yerushalayime. Tshimenga etshi nentshikebele lumu ne butumbi kudi bisamba bionsu bia pa buloba. Padi bantu bajingulula malu mimpe amvua muenzele Yerushalayime, nebazakale. Nebakanke pamonabu diakalenga ne disanka bimvua mupeshe bena tshimenga etshi.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Matayi 12:23

Bantu bonsu bavua bakatshila bivua Yezu wenza, bebejangana ne: — Muntu awu udi mua kuikala Muana wa Davide anyi?

Matayi 28:8

Bakumuka lukasa lukasa ku lukita, ne disanka dinene, kabidi ne bowa munda tente. Kuyabu lubilu bua kumanyisha balongi ba Yezu bualu abu.

Matayi 9:8

Bantu bamona bualu abu, kutshinabu bikole. Kutumbishabu Mvidi Mukulu, bualu mmupeshe bantu bukole bua mushindu ewu.

Marke 2:12

Diakamue patshivua bantu bonsu bamutangila, muntu kujuka, kuambula tshiata tshiende, kuyaye. Bonsu kukema bikole. Bavua batumbisha Mvidi Mukulu, bamba ne: — Katshia katuena banji kumona bualu bua mushindu ewu!

Luke 1:65

Ke bena mutumba bonsu kumvua bowa. Bantu bavua balondelangana malu aa mu mikuna yonsu ya mu Yudeya.

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Luke 7:16

Bantu bonsu kumvua bowa. Kutumbishabu Mvidi Mukulu, bamba ne: — Muambi munene mmupatuke munkatshi muetu! Mvidi Mukulu mmufike bua kusamba bantu bende!

Luke 8:37

Nanku bantu bonsu ba mu buloba bua Ngerasa kulomba Yezu bua umuke muaba awu, bualu bavua ne bowa bua bungi. Ke Yezu kubuela mu buatu, kuya.

Bienzedi 4:21

Bena Tshipangu kubakanyina tshiakabidi, pashishe kubalekelabu. Kabavua ne mushindu wa kubanyoka, bualu bantu bonsu bavua batumbisha Mvidi Mukulu bua bivua bienzeke.

Ngalate 1:24

Ke muvuabu bela Mvidi Mukulu tuasakidila, bua bivuaye mungenzele.