Luke 5:19 - MUKANDA WA MYIDI MUKULU

¹⁹ Kadi bua bungi bua bantu kabavua bamona pa kumubuejila. Nanku kumubandishilabu mu musonga wa nzubu. Kumushabu mampana makuabu. Kumupuekeshilabu mu bulalu buende munkatshi mua bantu kumpala kua Yezu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hakahangabo mua kubuela nʼandi bualu bua tshisumbu tshia bantu, bakabanda ha mutu ha nsubu, bakalamuna mampana akadi ku musaka, bakamuhuekesha ne bulalu buandi hankatshinkatshi ku mpala kua Yesu.

Luke 5:19 ပူးပေါင်းရင်းမြစ်များ

2 Samuele 11:2

Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Matayi 10:27

Bualu bundi nnuambila mu midima, nubuambe patoke; bunudi numvua bamba mu musokoku, nubuambe, bantu bonsu bumvue.

Matayi 24:17

Wikala ku musonga wa nzubu, katuluki bua kuangata bidi mu nzubu.

Marke 2:4

Kadi kabavua bamona mua kufika nende kudi Yezu bua bungi bua bantu. Ke kupapulabu tshitupa tshia musaka wa nzubu tshia kulu kua muaba uvua Yezu muimanyine. Ke kupuekeshilabu muena tuneke mulale pa tshiata mu dikela adi.

Dielulula 22:8

Panudi nuasa nzubu mupiamupia, nuenze bimana binyungulule musaka wa nzubu awu. Bualu bu muntu mukuluke ku musaka mufue, nenupete tshilumbu.

1 Samuele 9:25

Pashishe kumukabu muaba wa tshijila, kupueka mu tshimenga. Samuwele kuyukila ne Shawule ku musaka wa nzubu.