Luke 5:17 - MUKANDA WA MYIDI MUKULU

¹⁷ Dituku dikuabu Yezu uvua ulongesha. Baparushe ne balongeshi ba mikenji bavua basomba pavuaye. Bavua bafume ku misoku yonsu ya mu Ngalileya, ya mu Yudeya, ne ku tshimenga tshia Yerushalayime. Yezu uvua ne bukole bua kudi Maweja-Nangila, buvuaye ujikija nabu masama a bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Dituku dikuabo yeye wakadi uyisha bantu; Bafalese ne bayishi ba mikenshi ya Mose bakadi bashikame ha buihi, bafume ku misoko yonso ya Galela ne ya Yudaya ne ku Yelushalema; bukole bua Mukelenge buakadi nʼandi bua kuondaheye nʼabu bantu.

Luke 5:17 ပူးပေါင်းရင်းမြစ်များ

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Matayi 15:1

Diba adi Baparushe ne balongeshi ba mikenji bafumina ku Yerushalayime, kufika kudi Yezu, bamukonka ne:

Marke 1:45

Kadi muntu awu uya, kubangaye kulondela bantu bonsu bualu buvua bumuenzekele. Nanku Yezu katshivua mua kumueneka kabidi mu tshimenga, uvua amu mushale muaba wa nkayende. Bantu ba nseke yonsu bavua baye kudiye.

Marke 16:18

nansha bobu bakuate nyoka ne bianza biabu, nansha bobu banue mayi a lulengu, kabiena bibenzela bualu bubi nansha bumue. Nebatenteke babedi bianza masama abu neajike.

Marke 3:22

Balongeshi ba mikenji bavua batumine ku Yerushalayime, bavua bamba ne: — Yezu udi ne Belzebule, diabolu munda muende! Bakuabu bavua bamba ne: — Mfumu wa mikishi mibi ke udi umupesha bukole bua kuipata nabu mikishi mibi eyi!

Marke 5:30

Diakamue Yezu kumvuaye ne: bukole buvua bumupatuke. Ke kutangilaye munkatshi mua bantu, ubakonka ne: — Udi mulenge bilamba bianyi nnganyi?

Marke 7:1

Baparushe ne balongeshi bakuabu ba mikenji batumine ku Yerushalayime, kudikungujabu muaba uvua Yezu.

Luke 15:2

Kadi Baparushe, ne balongeshi ba mikenji, bavua basodia, bamba ne: — Kia! Muntu ewu udi wakidila bantu ba lumu lubi, udia nabu!

Luke 2:46

Dituku disatu kumusanganabu mu nzubu wa Mvidi Mukulu. Uvua musombe munkatshi mua balongeshi ba bena Yuda, ubateleja, ubela ne nkonku.

Luke 5:21

Ke balongeshi ba mikenji ne Baparushe kuela meji ne: — Ewu muntu udi usendeka Mvidi Mukulu nenku nnganyi? Udi mua kujimija bubi nnganyi? Se amu Mvidi Mukulu nkayende!

Luke 5:30

Baparushe ne balongeshi ba mikenji ba mu tshisumbu tshiabu kubinduluka, bakonka balongi ba Yezu ne: — Nuenu nudi nudia, nunua ne balambuishi, kabidi ne bantu bakuabu ba lumu lubi, bua tshinyi?

Luke 6:19

Bantu bonsu bavua bakeba kumulenga, bualu bukole buvua bufuma kudiye, bubapandisha bonsu.

Luke 7:30

Kadi Baparushe ne balongeshi ba mikenji bavua babenga tshivua Mvidi Mukulu mubalongoluele. Nanku kabavua basue bua Yowanane abatue mu mayi.

Luke 8:46

Kadi Yezu kuamba ne: — Muntu uvua mundenge, bualu ndi mumvue bukole bumpatuke.

Yowanane 3:10

Yezu kumuandamuna ne: — Wewe udi mulongeshi wa bena Izrayele, udi mumanyike bikole, muudi kuyi mumanye malu aa mbishi?

Yowanane 3:21

Kadi muntu udi wenza malu malelela, udi ufika padi butoke, bua bantu bamone patoke ne: udi wenza malu ende bimpe, utumikila Mvidi Mukulu.

Bienzedi 19:11

Mvidi Mukulu uvua wenzeja Polu bishima bia dikema.

Bienzedi 4:30

Olola tshianza tshiebe, jikija masama a babeedi, enza bishima ne malu a dikema, mu dina dia muntu webe wa tshijila Yezu.

Bienzedi 5:34

Kadi mu Tshipangu muvua Muparushe mukuabu, dina diende Ngamaliyele, mulongeshi wa mikenji, uvua bantu bonsu banemeka. Kujukaye munkatshi mua bena Tshipangu, kulomba bua banji kupatula bapostolu katupa pambelu.