Luke 4:41 - MUKANDA WA MYIDI MUKULU

⁴¹ Mikishi mibi kabidi ivua ipatuka munda mua babeedi bavule, yela mbila ne: “Wewe udi Muana wa Mvidi Mukulu!” Kadi Yezu uvua uyikanyina, uyikandika bua kayakudi, bualu ivua mimanye ne: Yezu udi Kristu, Musungidi mutulaya.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Bademon bakumuka munda mua bantu ba bungi, bela dî bikole ne, Wewe udi Muana wa Nzambi. Yeye wakabasamina, kakitabusha bua bobo kuakula, bualu bua bobo bakamanya ne, Yeye udi Kilisto.

Luke 4:41 ပူးပေါင်းရင်းမြစ်များ

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

Matayi 8:16

Dilolu kutuadilabu Yezu bantu bavule bavuabu batatshisha kudi mikishi mibi. Yezu kuipata mikishi mibi ayi ku bukole bua diyi diende, kujikija kabidi masama a bonsu bavua kabayi bumvua bimpe.

Matayi 8:29

Ke bobu kuela mbila ne: — Muana wa Mvidi Mukulu, butudi nebe mbunganyi? Udi mufike bua kutunyoka, diba kadiyi dianji kukumbana, bua tshinyi?

Matayi 8:4

Pashishe Yezu kumuambila ne: — Teleja bimpe: kuambidi muntu bualu ebu to. Kadi uye kudileja kudi mutuangaji bua ajadike muukadi. Pashishe ulambule mulambu uvua Moshe muambe, bua bantu bonsu bajadike ne: disama diebe ndijike.

Marke 1:25

Yezu kukanyina mukishi mubi, kuwambila ne: — Puwa, patuka munda mua muntu ewu!

Marke 1:32

Ku dilolu, diba dimane kubuela, bantu kutuadilabu Yezu babedi bonsu ne bavua ne mikishi mibi.

Marke 1:34

Yezu uvua ujikija masama a bantu ba bungi, bavua ne masama a mishindu mishilangane, uvua wipata kabidi mikishi mibi ya bungi. Kavua musue bua mikishi mibi yakule bualu buende, bualu ivua munumanye.

Marke 3:11

Pavua mikishi mibi imumona nanku, ivua ipona panshi ku makasa ende, yela mbila ne: “Udi Muana wa Mvidi Mukulu!”

Luke 4:39

Yezu kuinama pavuaye, kutumina disama dia mubidi luya diyi. Disama kujikadi! Mamu awu diakamue kutuadija kubalongoluela biakudia.

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Yakobe 2:19

Udi witaba ne: Mvidi Mukulu udi amu umue. Bidi bimpe. Mikishi mibi idi itaba kabidi nanku, izakala ne bowa.