Luke 4:23 - MUKANDA WA MYIDI MUKULU

²³ Yezu kubambila ne: — Bulelela nenungelele lusumuinu lua ne: “Wewe munganga, wadiondapa nkayebe!” Nenungambile kabidi ne: “Bimvua bumvue wewe muenze mu Kefamawume, ubienze kabidi munu mu tshimenga tshienu.”

Mukanda wa Nzambi Dihungila Dikulukulu ne Dihungila Dihia-dihia 2003

²³ Yeye wakabambila ne, Bulelela, nenungelele lusumuinu ne, Wewe muena buanga, udiondahe, enza biebe kuenu malu atuakunvua wenza ku Kapênuma.

Luke 4:23 ပူးပေါင်းရင်းမြစ်များ

Matayi 13:54

kuyaye mu tshimenga tshiyuabu bamukoleshe. Uvua ulongesha mu nzubu wa kutendelela. Bantu bonsu bavua bamuteleja, bavua bakema, bebejangana ne: — Meji a nanku mmuapete kuepi? Munyi mudiye mua kuenza bishima bia mushindu ewu?

Matayi 4:13

Kadi kavua mushale mu Nazarete to. Kuyaye kusomba mu Kefamawume, tshimenga tshiyuabu base ku muelelu wa Dijiba dinene dia Ngalileya, mubuloba bua Zebulone ne bua Naftali.

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Marke 6:1

Yezu kumuka muaba awu, kuyaye mu tshimenga tshivuaye mukolele. Balongi bende kumulondabu.

Luke 2:39

Baledi ba Yezu bamane kukumbaja bionsu bivua mikenji ya Maweja-Nangila miambe, kupinganabu ne Yezu mu Ngalileya mu tshimenga tshiabu tshia Nazarete.

Luke 2:51

Ke Yezu kupingana nabu mu Nazarete. Uvua ubatumikila. Mamuende uvua ulama malu aa onsu mu muoyi wende.

Luke 4:16

Yezu kuya kabidi mu Nazarete, muvuabu bamukoleshe. Dituku dia dikisha kubuelaye mu nzubu wa ditendelela wa bena Yuda, bu muvua tshibidilu tshiende. Kujukaye kulu bua kubala Mikanda ya tshijila.

Luke 4:31

Ke Yezu kuya ku tshimenga tshia Kefamawume, mu ditunga dia Ngalileya. Dituku dia dikisha uvua ulongeshamu bantu.

Luke 4:35

Yezu kukanyina mukishi mubi bikole, wela diyi ne: — Puwa! Patuka munda mua muntu ewu! Ke mukishi mubi kukulula muntu panshi, bantu bonsu batangile. Mukishi awu kupatuka munda mua muntu, kauyi mumuenzele bualu bubi nansha bumue.

Luke 6:42

mMunyi muudi mua kuambila muanenu ne: ‘Muanetu, semena, nkumushe kasosa mu disu,’ kuyi umona mutshi munene udi mu diebe? Wewe muena mpala ibidi, bangabanga umushe mutshi munene udi mu disu diebe. Nanku neumone bimpe bua kumusha kasosa kadi mu disu dia muanenu.”

Yowanane 4:28

Ke mukaji kushiya mulondu wende wa mayi muaba awu. Kupinganaye mu tshimenga muvuaye musombele, wambila bantu ne:

2 Korente 5:16

Nenku kutuadija ku lelu, katutshiena tulumbuluisha mudi bantu balumbuluisha muntu nabu. Ku kale tuvua balumbuluishe Kristu mushindu awu. Kadi mpindiewu katuena tuenza kabidi nanku to.