Luke 4:2 - MUKANDA WA MYIDI MUKULU

² Diabolu kumutetamu matuku makumi anayi. Munkatshi mua matuku awu, Yezu kavua udia kantu nansha kamue. Nanku matuku aa mamane kupita, kumvuaye nzala.

Mukanda wa Nzambi Dihungila Dikulukulu ne Dihungila Dihia-dihia 2003

² Diabolo wakadi umuteya. Kakadia tshintu matuku au; hakashikau, yeye wakadi ne nsala.

Luke 4:2 ပူးပေါင်းရင်းမြစ်များ

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

1 Bakalenga 19:8

Ke muambi Eliya kujuka bua kudia ne kunua. Biakudia abi kumupa bukole. Kuendaye matuku makumi anayi, munya ne butuku, too ne ku Sinayi, mukuna wa Mvidi Mukulu.

Estere 4:16

“Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

Ekesode 24:18

Moshe kubuela munda mua divuba, kubanda kabidi pa mukuna, kushalaku matuku makumi anayi a munya ne a butuku.

Ekesode 34:28

Moshe kushala muaba uvua Maweja-Nangila matuku makumi anayi a munya ne a butuku, kayi udia, kayi unua, ufunda anu mikenji dikumi ivua ijadika ndondu wa diulu vuangana diabu.

Yona 3:7

Pashishe mukalenga kuela mukenji mu tshimenga tshijima tshia Ninive ne: “Mu dina dianyi meme, ne dia balombodi banyi ba mu bukalenga, muntu nansha umue, nansha bimuna mene, kanuena mua kudia kantu nansha kamue, nansha kunua mayi to.

Matayi 21:18

Butshia dinda, pavua Yezu upingana mu tshimenga, kumvuaye nzala.

Matayi 4:2

Yezu mumane kupitshisha matuku makumi anayi a munya ne butuku kayi udia, kushishaye kumvua nzala.

Luke 4:3

Ke diabolu kumuamba ne: — Ne udi Muana wa Mvidi Mukulu, utume diyi, dibue edi diandamuke diampa.

Yowanane 4:6

Mu musoku awu muvua tshiina tshia mayi tshia Yakobe. Yezu uvua mupungile ne luendu. Kusombaye ku muelelu wa tshiina etshi. Diba dikavua bu pa dikumi ne ibidi ya munda munya.

Dielulula 9:18

Pashishe meme kudiela panshi kumpala kua Maweja-Nangila. Meme kushala muaba awu matuku makuabu makumi anayi a munya ne butuku, tshiyi mua kudia nansha kunua. Mvua muenze bionsu abi, anu bua bubi bu-nuvua benze. Nuenu kuenza bidi Maweja-Nangila ubenga, kumufikisha munda.

Dielulula 9:25

Pavua Maweja-Nangila musue kunubutula, meme kudiela panshi kumpala kuende, kushala nanku matuku makumi anayi a munya ne a butuku.

Dielulula 9:9

Meme Moshe mvua mubande ku mukuna bua kuangata mabue, avua ne mikenji ya ndondu wenu ne Maweja-Nangila. Meme kulalaku matuku makumi anayi a munya ne a butuku, tshiyi mua kudia nansha kunua.

Ebrewu 2:18

Mpindiewu udi mua kuambuluisha bantu badibu bateta, bualu yeye mene batata bamuteta, kabidi uvua mumvue makenga.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

1 Samuele 17:16

Matuku makumi anayi majima, Ngoliyate, muena Peleshete, uvua anu wimana kumpala kua bena mvita ba bena Izrayele, dinda ne dilolu.