Luke 4:18 - MUKANDA WA MYIDI MUKULU

¹⁸ “Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha,

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi,

Luke 4:18 ပူးပေါင်းရင်းမြစ်များ

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

2 Kulondolola 34:27

Uvua muteleje bimpe tshindi muambe bua Yerushalayime ne bua bantu bonsu badimu. Wewe uvua unyingalala, uvuluka bubi buebe kumpala kuanyi, upanda bilamba biebe, udila muadi. Nanku, ndi nkujadikila ne: ndi mumvue dilomba diebe.

Misambu 102:20

Mu diulu mudiye, Maweja-Nangila mmuinangile, mutangile pa buloba. Ku nzubu wende wa tshijila udi utangila mesu ende panshi,

Misambu 147:3

Udi usamba bantu badi ne dibungama mu muoyi, ubondapa padibu batapika.

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 34:18

Padi bantu bende bamutendelela, Maweja-Nangila udi ubateleja, ubumusha ku makenga abu.

Misambu 45:7

Nkuasa webe udi mushindama kashidi, amu bu mudi nkuasa wa Mvidi Mukulu. Udi ulombola bukalenga buebe ne buakane.

Misambu 51:17

Maweja-Nangila, bulula mukana muanyi, bua mmone mua kukutumbisha.

Yeshaya 32:3

Bantu aba badi ne mudimu wa kutabalela makenga a bantu, kabakushala kabidi bampofu to. Bantu aba badi ne bua kumvua, nebateleje bimpe tshidi bantu bamba.

Yeshaya 35:5

Diba adi, mesu a bampofu neatabale, amone bimpe, matshi a bena mapapa, neunwue biakane.

Yeshaya 42:7

Neutabeje bampofu. Neupatuishe bena lukanu mu nzubu wa lukanu, muaba udibu basomba, bindile mu miidima.”

Yeshaya 45:13

Meme Maweja-Nangila muena bukole buonsu ndi ngamba ne: Meme kabidi ndi mutume Koreshe, muntu unudi bamanye, bua anusungidile. Nendandakaje njila yonsu kumpala kuende. Yeye ke wibakulula tshimenga tshianyi tshia Yerushalayime. Neanyishe bua bantu banyi bavuabu bakuate, bapingane kuabu! Kena ulomba nansha dikuta, nansha mabuejila!”

Yeshaya 49:9

Ndi ngambila bena lukanu, bantu badi basomba mu miidima ne: ‘Patukayi, numone butoke.’ Nanku nebikale bu mikoku, idi idia bisosa ku muelelu wa njila, idi ipeta tshiakudia tshiayi pa mikuna yonsu.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Yeshaya 66:2

Tshionsu tshinudi numona, meme ke udi mutshienze ne bianza bianyi. Ndi nnuambila ne: bionsu ebi mbianyi. Kadi muntu undi ntangila ne disanka, ke muena muoyi wa bupuekele, udi unyingalala bua mibi yende, udi uteleja diyi dianyi ne luzakalu, ungitaba.

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Sefanya 3:12

Nenshiye amu bantu bapuekele ne bapele munkatshi muenu, badi bandomba bua meme kubakuba.

Zekâya 11:11

Ndondu kunyanguka dituku adi. Bangenda mushinga ba mikoku eyi bavua bantangile. Kujingululabu ne: Maweja-Nangila ke udi utuambila malu ku bidi muambi wenza.

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Matayi 12:18

“Ke muntu wanyi undi musungule. Ndi mumunange. Yeye kabidi udi unsankisha. Nemmupe Mueyelu wanyi. Neamanyishe bukua bisamba, mundi ndumbuluisha bantu.

Matayi 12:20

Dilenga dibendame, kakuditshibula. Kakujima muendu utshidi ne kapia kakese. Neenze nanku too ne padi malu mimpe andi musue, atshimuna panu.

Matayi 4:16

Bantu badi basomba mu midima nebamone butooke bunene! Bantu badi basomba mu ditunga dia lufu mu midima, butooke nebubakenkele!”

Matayi 5:3

— Bantu badi batekemena amu kudi Mvidi Mukulu, ke bena diakalenga, bualu nebikale nende mu Bukalenga bua mu diulu!

Luke 4:17

Kumupeshabu mukanda wa muambi Yeshaya. Kuuvungululaye. Kusanganaye muaba uvuabu bafunde ne:

Luke 6:20

Ke Yezu kutangila balongi bende, ubambila ne: “Nuenu bapele nudi bena diakalenga, bualu nenuikale ne Mvidi Mukulu mu Bukalenga bupiabupia!

Luke 7:22

Ke kuandamunaye bantu bavua Yowanane mutume ne: — Nupingane kudi Yowanane, numulondele bionsu binudi bamone, ne binudi bumvue: mpofu idi imona, batebuki badi benda biakane, bena nsudi badi bakana mibidi, bena mapapa badi bumvua, bafue badi babiika ku lufu, bapele badi bumvua Lumu lua Disanka.

Yowanane 1:41

Andre kusambakena diambedi ne muanabu Simone. Kumuambilaye ne: — Tuvua bamone Meshiya. (Mmomumue ne: “Kristu”).

Yowanane 12:46

Meme ndi mufike pa buloba bu butoke, bua muntu yonsu udi ungitaba kashadi mu miidima.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Bienzedi 4:26

Bakalenga ba matunga mbele mualu wa mvita, bamfumu mbapunge diyi dimpe, bumvuangane bua kubenga Maweja-Nangila ne Musungula wende.

Bienzedi 4:27

Bushuwa, mu tshimenga emu, Erode ne Ponsiyo Pilate, bantu benyi ne bena Izrayele, mbumvuangane bua kubenga muntu webe wa tshijila Yezu uudi musungule.

Kolose 1:13

Bualu mmutupikule ku bukole bua miidima, mutubueje mu bukalenga bua Muanende munanga.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.