Luke 3:9 - MUKANDA WA MYIDI MUKULU

⁹ mBamane kulongolola kasuyi, bua bakosele naku mitshi ku miji. Mutshi onsu udi kauyi ukuama bimuma bilenga, nebaukose, bawele mu kapia.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Katataka tshisui tshidi tshiladika ha muji wa mutshi wonso; mutshi wonso udi kawi ukuama mamuma mimpe nebaushimbule, nebawele mu kahia.

Luke 3:9 ပူးပေါင်းရင်းမြစ်များ

Yezekiyele 31:18

“Kakuena mutshi nansha umue wa mu Edene mufuanangane nebe ku lumu ne ku bunene. Kadi nebakujike ne mitshi mikuabu muinshi mua buloba. Newikale munkatshi mua bantu ba bisamba bikuabu, ne munkatshi mua bantu bavuabu bashipe ku mvita. Nenku ke muenzelabu mukalenga wa bena Ejipitu ne bantu ba mu Ejipitu. Meme Maweja-Nangila ndi njadika nanku.”

Danyele 4:14

Batumibue ba Mvidi Mukulu kufikisha dipangadika edi, bua bantu bonsu badi ne muoyi bamanye ne: Mvidi Mukulu, Muena kulu, udi mfumu wa makalenga a bantu. Udi upesha muntu udiye musue bukalenga. Udi mua kubupesha nansha muntu udi mushadile ku bonsu.

Danyele 4:23

Pashishe mukenji wa kushiya tshikuku tshia mutshi ne miji yatshi, udi utumanyisha ne: Nebakupingajile bukalenga buebe, pawamanya ne: Mvidi Mukulu wa mu diulu ke udi Mfumu.

Matayi 3:10

Mbamane kulongolola kasuyi bua kukosela mutshi ku miji. Mutshi onsu udi kauyi ukuama tshimuma tshimpe, nebaukose, bawela mu kapia.

Matayi 7:19

Mutshi onsu udi kauyi ukuama bimuma bimpe, nebaukose, bawele muiku.

Luke 13:6

Ke Yezu kubelela lusumuinu elu ne: — Muntu mukuabu uvua mukune mutshi wa mfiku mu budimi buende bua nwinyo. Kuyaye ku mutshi aku bua kupola bimuma. Kadi kavua mubisangane to.

Luke 13:7

Kuambilaye muena mudimu wa mu budimi abu ne: “Mona: kukadi bidimu bisatu bindi mfika anu ku mutshi eku bua kupola bimuma. Kadi tshiena mubipete to. Nanku upula mutshi ewu, bualu udi unyanga buloba tshianana.”

Luke 13:9

Bumue udi mua kukuama bimuma tshidimu tshialonda. Pikalawu kauyi mukuame, diba adi neuukoseshe!”

Yowanane 15:6

Muntu udi kayi ushala mudisange nanyi, nebamuimanshe pa mbelu bu ditamba. Neume. Matamba mume badi baangula, baela muiku, baosha.

Ebrewu 10:28

Muntu yonsu udi ubenga kuitaba mikenji ya Moshe, pamanyabu ne: mmuenze bibi, badi bamushipa, kabayi bamufuila luse, bantu babidi nansha basatu bajadike bualu.

Ebrewu 12:29

Bualu Mvidi Mukulu wetu udi kapia kadi kubutula.