Luke 3:5 - MUKANDA WA MYIDI MUKULU

⁵ Tshibandabanda tshionsu, nutshiuwuje. Mikuna minene ne mikese, nuyipuekeshe. Njila mikonyangale, nuyilulamije. Binina bia mu njila, nubilandakaje.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nebalandakashe mpongo yonso, Nebabatamishe mikuna yonso, minene ne mikese, Nebaludike nshila mikonyangale, Nebaseneshe nshila idi bizakala bizakala;

Luke 3:5 ပူးပေါင်းရင်းမြစ်များ

Yeshaya 40:4

Bajibikile mpongu yonsu. Mikuna minene ne mikese, bayipuekeshe! Mikuna ikale bu mpata. Bidi kulu bilandakane, bienza bibanda.

Yeshaya 42:16

Kadi nendudike bantu banyi, batshivua bashale bampofu, mu njila udibu katshia kabayi bayile. Nenkudimune miidima, yenze munya, bua bantu bende bimpe. Ndi ndandakaja miaba idi biina. Ke bindi musue kuenza. Nembikumbaje, tshiyi ndekela.

Yeshaya 45:2

Meme ndi ngenda kumpala kuebe, bua kumusha bionsu bidi mua kukujingakaja, kutshibula biibi bia tshiamu tshikunze, kuzaza milonda ya kupayika nayi biibi.

Yeshaya 49:11

Nengandamune mikuna mitumbuke, ishale njila ya kupitshila ku makasa. Nendongolole njila.

Yezekiyele 17:24

Diba adi, mitshi yonsu ya mu mpata neyimanye ne: ndi Maweja-Nangila. Ndi ngipidija mitshi idi mitumbuke, ndi ndepesha idi mipi. Ndi ngumisha mitshi mibishi. Ndi ngelesha mitshi miume ntonga. Meme Maweja-Nangila ndi njadika nanku awu. Nenkumbaje anu mundi muambe amu.”

Yakobe 1:9

Muanetu mupele asanke, bualu Mvidi Mukulu udi umubandisha kulu.