Luke 24:47 - MUKANDA WA MYIDI MUKULU

⁴⁷ Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

Luke 24:47 ပူးပေါင်းရင်းမြစ်များ

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Misambu 22:27

Ndi mbikila bapela, badie buukute! Bantu badi batendelela Mvidi Mukulu, nebamutumbishe, balale panu, baboboke!

Misambu 67:7

Buloba mbumeneshe biakudia bivule, nenku Mvidi Mukulu, Mvidi Mukulu wetu mmutuele lupemba!

Misambu 86:9

Wakafuka bisamba bionsu, nebifike bua kukukukuila, ne kukutumbisha wewe Maweja-Nangila.

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Yeshaya 49:22

Maweja-Nangila Mvidi Mukulu udi wamba ne: Meme nemmanyishe bakalenga ba matunga, tshidibu ne bua kuenza. Nanku nebapingaje bana bebe ba balume, bambula mu maboku abu. Nebapingaje bana bebe ba bakaji, bambula pa makaya abu.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yeshaya 5:4

Tshingenzela kabidi budimi buanyi, tshimvua tshiyi muanji kuenza ntshinyi? Meme kutekemena tumuma tua nsongu, kadi bobu kukuama amu tua bululu!

Yeshaya 52:10

Maweja-Nangila nealeje bukole buende, bua kukumbaja mudimu wende wa tshijila, bena mu matunga onsu bamona. Too ne ku ndekelu wa buloba, nebamone lupandu, ludi Mvidi Mukulu wetu ututuadila.

Yeshaya 52:15

Kadi mpindiewu, bantu ba bungi ba mu matunga a bende, nebakeme bualu buende. Bakalenga nebakatshile, kabayi bamanye tshia kuamba. Bualu nebamone malu adi kaayi umvuangana ne avuabu babalondele. Nebumvue malu avuabu kabayi banji kumvua.”

Yirmeya 31:34

Maweja-Nangila udi wamba ne: muntu nansha umue kakulomba balunda bende, nansha bana babu, bua bamulongeshe bua ammanye. Bualu bonsu, bakulumpe ne bana, nebammanye. Nembafuile luse bua mibi yabu. Tshiakuvuluka kabidi bilema biabu.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Osheya 2:23

Maweja-Nangila udi wamba ne: dituku adi nenkumbaje bionsu bidi bantu banyi balomba. Nenkumbaje tshidi diulu dikengela: mvula nealoke pa buloba.

Mika 4:2

Bisamba bia bungi bia bantu nebiyemu. Nebambilangane ne: “Tuyayi ku mukuna wa Maweja-Nangila, tubuelayi mu nzubu wa Mvidi Mukulu wa Yakobe. Yeye neatulongeshe tshitudi ne bua kuenza, tuetu netulonde njila udiye utuleja. Bualu dilongesha dia Maweja-Nangila didi difuma mu Siyone, bidiye wamba bidi bipatuka mu Yerushalayime.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Matayi 3:2

wamba ne: — Kudimunayi mioyi yenu, bualu Bukalenga bua mu diulu budi pabuipi!

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Bienzedi 10:43

Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 28:28

Ndi nnuambila ne: Mvidi Mukulu mmutumine bantu ba bisamba bikuabu mukenji wa lupandu, bualu bobu nebauteleje! [

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Bienzedi 4:12

Kakuena lupandu kudi munga muntu to. Bualu panu ponsu Mvidi Mukulu kena mupe bantu dina dikuabu didi mua kutusungila.

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

Rome 5:20

Mikenji mmifike bua bubi buvulangane. Kadi muaba uvua bubi butampakana, dinanga dia Mvidi Mukulu divua dipita kuelangana kabidi.

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

1 Yone 2:12

Bana banyi, ndi nnufundila, bualu mbanujimijile mibi yenu mu dina dia Kristu.