Luke 24:30 - MUKANDA WA MYIDI MUKULU

³⁰ Kusombaye nabu ku mesa, kuangata diampa, wela Mvidi Mukulu tuasakidila. Pashishe kudikosololaye, kubabanyinadi.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Hakashikameye nʼabo ku mesa, wakamema mutanda wa bidia, wakatendelela Nzambi: hakautshibuleye bituha, wakabahabi.

Luke 24:30 ပူးပေါင်းရင်းမြစ်များ

Matayi 14:19

Pashishe kutumaye diyi, bua bantu basombe panshi mu bisosa. Ke kuangataye mampa atanu, ne minyinyi ibidi ya mu mayi. Kutangilaye mulu, wela Mvidi Mukulu tuasakidila. Kukosaye mampa, kuapeshaye balongi, bua baabanyine bantu.

Matayi 15:36

Pashishe kuangataye mampa muanda mutekete awu, kabidi ne tushipa. Kuelaye Mvidi Mukulu tuasakidila, kukosololaye mampa ne tushipa, kupesha balongi bende. Bobu kuabanyina bantu.

Matayi 26:26

Pavuabu badia, Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, ubambila ne: — Angatayi, nudie, etshi mmubidi wanyi.

Marke 14:22

Pavuabu badia, Yezu kuangata diampa, yeye mumane kuela Mvidi Mukulu tuasakidila, kudikosololaye, kudiabanyinaye balongi bende, ubambila ne: — Angatayi etshi, mmubidi wanyi.

Marke 6:41

Pashishe Yezu kuangata mampa atanu ne mishipa ibidi, kutangilaye mulu, kuelaye Mvidi Mukulu tuasakidila. Kutshibulaye mampa, kuapeshaye balongi bua kuabanyinabu bantu. Kubabanyinaye bonsu buabu kabidi mishipa ibidi.

Marke 8:6

Yezu kuambila bantu bua kusombabu panshi. Pashishe kuangataye mampa muanda mutekete, kuelaye Mvidi Mukulu tuasakidila, kuatshibula, kuapeshaye balongi bende bua kuabanyina bantu. Balongi kuenza nanku.

Luke 22:19

Ke Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, wamba ne: — Etshi mmubidi wanyi, [undi mufile bualu buenu. Enzayi nenku bua kumvuluka.

Luke 24:29

Kadi balongi kumusengelela, bamba ne: — Shalaku netu, bualu butuku bukadi buila. Nanku Yezu kubuela mu nzubu, kushala nabu.

Luke 24:35

Balongi babidi abu kabidi kulondela balongi bakuabu malu onsu avua menzeke mu njila, kabidi ne muvuabu bajingulule Yezu diba divuaye ukosolola diampa.

Luke 9:16

Yezu kuangata mampa atanu ne mishipa ibidi, kutangila mulu, kuela Mvidi Mukulu tuasakidila bua biakudia abi. Kubikosololaye, kutapa balongi, bua babiabanyine bantu.

Yowanane 6:11

Yezu kuangata mampa. Mumane kuela Mvidi Mukulu tuasakidila, kuabanyinaye bavua basombe panshi abu. Kubapeshaye kabidi mishipa, bungi buvuabu basue.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Bienzedi 27:35

Polu mumane kuamba nanku, kuangataye diampa, kuela Mvidi Mukulu tuasakidila, bonsu bateleja. Pashishe kudikosaye, kudia.