Luke 24:26 - MUKANDA WA MYIDI MUKULU

²⁶ Kristu kavua ne bua kudianza kukenga nanku, bua kubuela mu butumbi buende anyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kabiakadi bimpe bia Kilisto kukengeye mu malu â ne bua kubueleye mu butumbi buandi, anyi?

Luke 24:26 ပူးပေါင်းရင်းမြစ်များ

Genese 22:6

Abrahame kuambika muanende Izake tshisumbu tshia nkunyi, kukuata kela, kuambula mbabula ne makala a kapia. Pavuabu benda pamue,

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.

Luke 24:46

Kubambilaye ne: — Bavua bafunde ne: Kristu udi ne bua kufua, pashishe kubiika ku lufu dituku disatu.

Luke 24:7

Uvua munuambile ne: “Badi ne bua kufila Muana wa muntu kudi benji ba malu mabi, bua bamupopele ku mutshi mutshiamakane. Kadi neabiike ku lufu dituku disatu.”

Yowanane 2:22

Pakasua Yezu mumane kubika ku bafue, balongi bende kusuluka musuaye muambe. Nanku kuitababu bisuabu bafunde mu Mukanda wa tshijila, kabidi ne bisua Yezu muambe.

Yowanane 20:9

(Bualu balongi kabavua banji kujingulula miaku ivuabu bafunde mu Mukanda wa tshijila ne: Yezu uvua ne bua kubika ku lufu.)

Bienzedi 17:3

Polu kubumvuija mikanda ayi, ubaleja ne: bilondeshile Mikanda ya tshijila eyi, Kristu uvua ne bua kukenga, kufua, kubiika. Uvua ubambila kabidi ne: — Kristu, Musungidi wetu, ke Yezu undi nnumanyisha!

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

1 Petro 1:11

Bavua bakeba kumanya mushindu ne diba bivua bionsu, bivua Mueyelu mubambile, mua kuenzeka. Bualu Mueyelu, uvua ukuata mudimu munda muabu, uvua mudianze kubamanyisha makenga a Kristu, ne lumu luvuaye ne bua kupeta pashishe.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,