Luke 23:43 - MUKANDA WA MYIDI MUKULU

⁴³ Ke Yezu kumuandamuna ne: — Ndi nkujadikila bulelela ne: lelu netuikale nebe mu mparadizu

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Yesu wakamuambila ne, Bulelela, ndi nkuambila ne, Lelu wewe newikale nʼanyi mu Paladiso.

Luke 23:43 ပူးပေါင်းရင်းမြစ်များ

Misambu 32:5

Kadi mpindiewu ndi mukutondele bubi buanyi, tshiena mukusokoke bilema bianyi. Mvua muambe ne: “Ndi muena tshibawu, ndi ne bua kutondela Maweja-Nangila bimvua muenze.” Ke wewe kumusha tshibawu tshia mibi yanyi.

Misambu 50:15

Pakukuata dikenga, umbikile nenkusungidile. Nenku neuntumbishe!

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Luke 19:10

Muana wa muntu mmufike bua kukeba ne kusungidila bantu bavua bajimine.

Luke 23:42

Ke kuambaye kabidi ne: — Yezu, wamyuluka, pawabuela mu Bukalenga buebe.

Yowanane 14:3

Meme mumane kuya kunulongoluela muaba, nempingane bua kunuangata, bua nuikale nuenu kabidi muaba undi.

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

2 Korente 5:8

Tudi bakole muoyi, tujinga kushiya mubidi ewu diakamue, bua kuya kusomba mu nzubu mudi Mfumu.

Filipe 1:23

Badi bankoka eku ne eku: luseke ndi musue kushiya panu, bua kuikala ne Kristu. Ke bivua mua kuikala bipite buimpe.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”