Luke 23:34 - MUKANDA WA MYIDI MUKULU

³⁴ Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Yesu wakamba ne, Tatu, ubabuikidile bubi buabo, kabena bamanye bualu budibo benza. Bakabanyangana bilulu biandi, bela nʼabi nshobo.

Luke 23:34 ပူးပေါင်းရင်းမြစ်များ

Genese 50:17

“Nuambile Yozefe mu dina dianyi ne: ufuile bana benu luse ku malu mabi onsu adibu bakuenzele.” Ke pavuabu bamulomba ne: “Utufuileku luse, bualu tudi tutendelela Mvidi Mukulu umue wa tatuebe Yakobe.” Yozefe umvua miaku ayi, kuasaye muadi.

Misambu 22:18

Tshinyanu ntshinkuate. Mifuba yanyi yonsu idi imueneka patoke! Baluishi banyi badi bimana, banjooja banseka.

Yeshaya 53:12

Ke pandi mumuteke, mu mulongu wa bantu banene. Neabanye bintu bia mu mvita pamue ne bilobu. Uvua mudifile, mudipuekeshe, too ne ku lufu, mmuditeke mu mulongu wa benzayi. Kadi uvua muambule pa makaya ende, bilema bia bantu bakuabu bonsu. Uvua muakuile bena tshibawu, bua babafuile luse.”

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Matayi 11:26

Eyowa, Tatu, ke muuvua musue ne: bienzeke nanku.

Matayi 5:44

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

Marke 15:24

Pashishe kumupopelabu pa mutshi mutshiamakane. Kuabanyanganabu bilamba biende, bavua batshinka bua kumanya tshidi muntu yonsu ne bua kuangata.

Luke 22:42

wamba ne: — Tatu, paudi musue, angumushile dikopu dia dikenga edi. Kadi kabienzeki mundi musue meme, amu muudi musue wewe. [

Yowanane 17:9

Ndi mbalombela kuudi. Tshiena ndombela ba pa buloba. Kadi ndi ndombela bantu bauvua mumpeshe, bualu mbebe.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Bienzedi 16:28

Kadi Polu kumuela diyi muende muonsu ne: — Kudienzedi bibi nansha! Tuetu bonsu tudi apa!

Bienzedi 3:17

Kadi, bana betu, ndi mumanye se: nuenu ne bamfumu benu, nudi benze bualu ebu, bualu kanuvua bamanye Yezu.

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

Rome 12:14

Badi banukengesha, nubalombele kudi Mvidi Mukulu bua abele lupemba. Numulombe bua abasankishe, kabatshipi nansha.

1 Korente 2:8

Nansha umue wa ku bamfumu ba pa buloba ebu kavua mujingulule meji aa. Bu bobu baajingulule, kabavua mua kupopela Mfumu, udi wenza tshintu tshimue ne Mvidi Mukulu mu butumbi buende, pa mutshi mutshiamakane.

1 Korente 4:12

Tudi tukuata mudimu, tupungila bua kudipetela biakudia, Badi batupenda, tudi tubela lupemba. Padibu bankengesha, tudi tulama lutuulu.

1 Timote 1:13

nansha mumvua mumujane kale, mumukengeshe, mumupende. Kadi Mvidi Mukulu kumfuila luse, bualu tshivua ne ditaba, tshivua mumanye tshimvua ngenza.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.