Luke 23:2 - MUKANDA WA MYIDI MUKULU

² Kutuadijabu kumusonguela kua Pilate, bamba ne: — Tudi basangane muntu ewu upambula bena ditunga. Udi ukandika bantu ne: kanufutshi tshitadi tshia mukalenga wa bakalenga. Udi udiamba kabidi ne: ndi Kristu, mukalenga wa ditunga.

Mukanda wa Nzambi Dihungila Dikulukulu ne Dihungila Dihia-dihia 2003

² Bakabanga kumubanda ne, Tuakusangana muntu eu utombosha tshisamba tshietu uhidisha bantu ne, Kanulambudi Kaisa, wamba kabidi ne, Meme ndi Kilisto, Mukelenge.

Luke 23:2 ပူးပေါင်းရင်းမြစ်များ

1 Bakalenga 18:17

Anu Akabe umona muambi Eliya, kumuambilaye ne: — Wewe ke udi ukengesha bena Izrayele!

Misambu 35:11

Bantu badi banjadikila malu a dishima. Badi bandumbuluisha bua malu andi tshiyi mumanye.

Misambu 62:4

— Bonsu pamue nenuluishe muntu nkaya too ne ku diba kaayi? Nudi nukeba kunshipa bua tshinyi? Ndi amu bu tshimana tshibendame, bu lupangu lukeba kupuka.

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Yirmeya 38:4

Balombodi ba bena mvita aba mbamane kumvua muvua Yirmeya muambe, kuambilabu mukalenga Sedekiya ne: — Tudi tulomba bua kushipa Yirmeya ewu. Bionsu bidiye wamba, bidi bitekesha bikole bena mvita ne bantu badi bashale mu tshimenga. Muntu ewu udi utukebela amu diakabi. Kena bualu ne diakalenga dietu to.

Amosa 7:10

Amashiya, mutuangaji wa mu Betele, kumanyisha Yerobowame, mukalenga wa Izrayele, ne: “Amosa mmukuelele tshifufu tshibi munkatshi mua bena Izrayele. Bidiye wamba, bidi mua kunyanga ditunga.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Matayi 17:27

Kadi bua katubafikishi munda, uye mu dijiba, ela ndobu. Mushipa uwadianza kukuata, uubulula mukana. Neusanganemu makuta. Uangate, uye kuteta tshitadi tshiebe, ne tshianyi.

Matayi 22:21

Kuandamunabu ne: — Bia mukalenga wa bakalenga. Ke Yezu kubambila ne: — Nunku futayi mukalenga wa bakalenga bintu bidi bunutangila, kadi lambulayi Mvidi Mukulu pende bidi bimutangila.

Matayi 27:11

Yezu kuimana kumpala kua mulombodi wa ditunga adi. Awu kumuebeja ne: — Udi mukalenga wa bena Yuda anyi? Yezu kuandamuna ne: — Anu muudi muambe amu.

Marke 12:17

Yezu kubambila ne: — Futayi mukalenga wa bakalenga bintu bidi biende. Kadi lambulayi Mvidi Mukulu kabidi bidi biende. Kukemabu bikole bua diandamuna diende.

Marke 15:2

Pilate kumukonka ne: — Udi mukalenga wa bena Yuda anyi? Yezu kumuandamuna ne: — Anu bu muudi wamba amu.

Luke 23:14

ubambila ne: — Nudi bamvuile ne muntu ewu, nuamba ne: udi upambula bantu. Kadi ndi mumulumbuluishe kumpala kuenu. Tshiena mumusangane mupila ku bualu bubi nansha bumue, bunudi bamufunde.

Luke 23:5

Kadi bobu kusuminyina bikole bipite, bamba ne: — Udi ulongesha bantu, ubasaka bua batomboke. mMutuadije mu Ngalileya; mmuendakane mu Yudeya mujima; mpindiewu mmufike too ne munemu.

Yowanane 18:29

Ke pavua Pilate, mulombodi wa ditunga mupatukile pa mbelu, muye kudibu. Kubakonkaye ne: — Tshilumbu tshinudi nuasa muntu ewu ntshilumbu kaayi?

Yowanane 18:30

Kumuandamunabu ne: — Bu yeye kayi muenzayi, katuvua mu kumufila kuudi to.

Yowanane 19:12

Biangatshile diba adi, Pilate uvua ukeba mushindu wa kutekesha Yezu. Kadi bena Yuda kubanga kuela mbila ne: — Wewe mukopole muntu ewu mu lukanu, kuena mulunda wa mukalenga wa bakalenga to. Muntu yonsu udi udifunyisha ne: ndi mukalenga, mmuluishi wa mukalenga wa bakalenga.

Bienzedi 24:13

Bantu aba kabena mua kukujadikila bidibu bamfunde abi to.

Bienzedi 24:5

Tudi bamanye se: muntu ewu ntshipupu. Udi utombueja bena Yuda bonsu pa buloba bujima. Udi mfumu wa tshisumbu tshia bena Nazarete.

Rome 13:7

Nulambuile bonsu binudi ne bua kubalambuila. Nulambule tshitadi kudi udi utshilambuisha. Nufute binudi ne bua kuhita. Nutshine unudi ne bua kutshina. Nunemeke unudi ne bua kunemeka.