Luke 22:52 - MUKANDA WA MYIDI MUKULU

⁵² Ke Yezu kuambila bamfumu ba batuangaji, balombodi ba balami ba nzubu wa Mvidi Mukulu, ne bakulu, bavua bafika bua kumukuata ne: — Nudi bafike ne miele ya mvita, kabidi ne mitshi, bua kunkuata bu mushipianganyi anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁵² Yesu wakakonka bakuidi banene ne tuhita tua balami ba ntempelo ne bakulu bakadi bamuluile ne, Nuakulua ne miele ne bibonge bu mudibo bakuata munyengi munyi?

Luke 22:52 ပူးပေါင်းရင်းမြစ်များ

2 Bakalenga 11:15

Mutuangaji Yoyada kavua musue bua bashipele Ataliya mu nzubu wa Mvidi Mukulu to. Nanku, kuambilaye balombodi ba bena mvita, bavua balame mukalenga Yowashe ne: — Umukayi ne Ataliya mu milongu yenu. Pikala muntu muditue ku tshiende, mumulonde, numushipe.

Matayi 26:47

Patshivua Yezu wakula nanku, Yudase, umue wa ku dikumi ne babidi, kufika ne bantu bavule, bikale ne miele, kabidi ne mitshi. Ke bamfumu ba batuangaji ne bakulu ba bena Yuda bavua babatuma.

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Luke 22:37

Bualu ndi nnujadikila ne: miaku idibu bafunde mu Mukanda wa tshijila bualu buanyi bua ne: “Batua bamuteke munkatshi mua benji ba malu mabi,” neikumbane. Bushuwa matuku anyi akadi ku ndekelu.

Luke 22:4

Yudase kuya kuyukila ne bamfumu ba batuangaji, kabidi ne balombodi ba balami ba mu nzubu wa Mvidi Mukulu. Kumvuanga-nabu bua mushindu uvuaye mua kufila Yezu kudibu.

Luke 22:51

Ke Yezu kubakandika, wamba ne: — Lekelayi! Kanutungunuki to. Yezu kulenga muntu awu ku ditshi. Kupinganadi muadi mua kale.

Luke 22:53

Matuku onsu mvua nenu mu nzubu wa Mvidi Mukulu. Kanuena bakebe kunkuata nansha. Kadi diba edi ndienu, didi miidima ileja bukole buayi.

Yowanane 17:12

Pamvua pamue nabu, mvua mubalame ku bukole bua dina diebe, dina diuvua mumpeshe. Mvua mubalame, nansha umue wa kudibu ki mmujimine to, pa kumusha uvua ne bua kujimina bua miaku ikumbane ivuabu bafunde mu Mukanda wa tshijila.

Bienzedi 5:26

Mulombodi wa balami ba nzubu wa Mvidi Mukulu kuya ne bantu bende bua kukuata bapostolu. Kadi kabavua babakengesha to, bualu bavua batshina ne: bantu badi mua kutuasa mabue.