Luke 22:4 - MUKANDA WA MYIDI MUKULU

⁴ Yudase kuya kuyukila ne bamfumu ba batuangaji, kabidi ne balombodi ba balami ba mu nzubu wa Mvidi Mukulu. Kumvuanga-nabu bua mushindu uvuaye mua kufila Yezu kudibu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wakumuka biandi wakasangisha dî ne bakuidi banene ne tuhita tua balami ba ntempelo bualu bua kumufileye mu bianza biabo.

Luke 22:4 ပူးပေါင်းရင်းမြစ်များ

1 Kulondolola 9:11

ne Azariya. Bankambua babu ba munda, bavua balondangane nenku: Ilkiya, Meshulame, Sadoke, Merayote ne Akitube, ewu ke uvua mulami wa nzubu wa Mvidi Mukulu.

Nehemya 11:11

Seraya, muana wa Ilkiya, Ilkiya uvua muana wa Meshulame, Meshulame uvua muana wa Sadoke, Sadoke uvua muana wa Merayote, Merayote uvua muana wa Akitube, mutuangaji munene.

Matayi 26:14

Diba adi umue wa ku balongi dikumi ne babidi, dina diende Yudase Iskariyote, kuyaye kudi bamfumu ba batuangaji.

Luke 22:5

Bamfumu kusanka bikole, kumulaya bua kumupesha makuta.

Luke 22:52

Ke Yezu kuambila bamfumu ba batuangaji, balombodi ba balami ba nzubu wa Mvidi Mukulu, ne bakulu, bavua bafika bua kumukuata ne: — Nudi bafike ne miele ya mvita, kabidi ne mitshi, bua kunkuata bu mushipianganyi anyi?

Bienzedi 4:1

Patshivua Petro ne Yowanane balongesha bantu, ke batuangaji, balombodi ba balami ba nzubu wa Mvidi Mukulu, ne Basaduke, kufika.

Bienzedi 5:24

Mulombodi wa balami ba nzubu wa Mvidi Mukulu, ne bamfumu ba batuangaji bumvua nanku, kulubakanabu, kabayi mua kumvua muvua bapostolu bajimine.

Bienzedi 5:26

Mulombodi wa balami ba nzubu wa Mvidi Mukulu kuya ne bantu bende bua kukuata bapostolu. Kadi kabavua babakengesha to, bualu bavua batshina ne: bantu badi mua kutuasa mabue.