Luke 22:37 - MUKANDA WA MYIDI MUKULU

³⁷ Bualu ndi nnujadikila ne: miaku idibu bafunde mu Mukanda wa tshijila bualu buanyi bua ne: “Batua bamuteke munkatshi mua benji ba malu mabi,” neikumbane. Bushuwa matuku anyi akadi ku ndekelu.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bualu bua ndi nuambila ne, Budibo nʼabu mbua kushikisha kundi di edi didi difunda ne, Bakamubala hohamue ne bantu babi; bualu bua nebashikishe mei onso akafundabo bualu buanyi.

Luke 22:37 ပူးပေါင်းရင်းမြစ်များ

Yeshaya 53:12

Ke pandi mumuteke, mu mulongu wa bantu banene. Neabanye bintu bia mu mvita pamue ne bilobu. Uvua mudifile, mudipuekeshe, too ne ku lufu, mmuditeke mu mulongu wa benzayi. Kadi uvua muambule pa makaya ende, bilema bia bantu bakuabu bonsu. Uvua muakuile bena tshibawu, bua babafuile luse.”

Marke 15:27

Bavua bapopele bantomboji babidi ku nseke yonsu ya Yezu: umue ku dia balume diende, mukuabu ku dia bakaji diende. [

Marke 15:28

Amu bua kukumbaja miaku idibu bafunde mu Mukanda wa tshijila ne: “Bavua bamuteka munkatshi mua benji ba malu mabi.”]

Luke 18:31

Yezu kubikila balongi bende dikumi ne babidi, kubambila ne: — Telejayi. Tukadi tuya ku Yerushalayime. Muaba awu bionsu bivua bambi bafunde bua Muana wa muntu nebikumbane.

Luke 22:22

Bushuwa, Muana wa muntu neafue, bu muvua Mvidi Mukulu muambe. Kadi muntu udi mumutungile tshitungu mmuena diakabi!

Luke 22:36

Ke Yezu kubambila ne: — Kadi mpindiewu muntu udi ne tshibuta tshia makuta, atshiangate. Udi ne tshia luendu, atshiangate kabidi. Udi kayi ne muele wa mvita, apanyishe tshinkutu tshiende bua kuusumba.

Luke 22:52

Ke Yezu kuambila bamfumu ba batuangaji, balombodi ba balami ba nzubu wa Mvidi Mukulu, ne bakulu, bavua bafika bua kumukuata ne: — Nudi bafike ne miele ya mvita, kabidi ne mitshi, bua kunkuata bu mushipianganyi anyi?

Luke 23:32

Kuyabu kabidi mu njila ne bantu balume babidi bena tshibawu, bua babashipe musangu umue ne Yezu.

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Yowanane 10:35

Tudi bamanye ne: kabena mua kushipa tshidi Mukanda wa tshijila ujadika. Bavuaye umanyisha miaku yende, Mvidi Mukulu uvua mubinyike ne: mmvidie.

Yowanane 17:4

Mvua muleje butumbi buebe pa buloba. Ndi mujikije mudimu uuvua mumpeshe bua kuenza.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”