Luke 22:26 - MUKANDA WA MYIDI MUKULU

²⁶ Kadi buenu nuenu kabikadi nanku to. Bualu udi mupite bakuabu munkatshi muenu, udi ne bua kudileja mushadile ku bonsu. Udi utuma diyi, udi ne bua kuenzela bakuabu mudimu.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kadi nuenu, kanuikadi nunku; udi mutambe bakuabo munkatshi muenu alue biandi muakunyi; udi biandi nfumu alue muena mudimu.

Luke 22:26 ပူးပေါင်းရင်းမြစ်များ

Matayi 20:26

Kadi munkatshi muenu kabiena mua kuenzeka nanku to. Wa kunudi udi musue kuikala ne muanzu, ikala muena mudimu wenu.

Marke 10:43

Kadi kabienzeki nanku munkatshi muenu nansha. Padi umue wa kunudi nuenu musue kuikala munene, ikale muena mudimu wenu.

Marke 9:35

Yezu kusomba. Kubikilaye balongi dikumi ne babidi, ubambila ne: — Padi muntu musue kuikala wa kumpala, udi ne bua kuikala wa ku nshikidilu kua bonsu, kabidi muena mudimu wa bonsu.

Luke 9:48

ubambila ne: — Muntu udi wakidila muana ewu mu dina dianyi, mmungakidile meme mene. Udi ungakidila meme, udi wakidila kabidi uvua muntume. Bualu udi mushadile kunudi nuenu bonsu, ke udi mupite bonsu mene.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

1 Petro 5:3

Kanukengeshi ne bumfumu bunudi nabu bantu badibu banupeshe bua nubalame. Kadi nubaleje tshilejilu tshimpe.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”