Luke 22:18 - MUKANDA WA MYIDI MUKULU

¹⁸ Bualu ndi nnujadikila ne: bituadija ku mpindiewu tshiakunua kabidi nwinyo, too ne pafika Bukalenga bua Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ ndi nuambila ne, Tshiena nua mai a mamuma a nvinyo kabidi tô ne halua bukelenge bua Nzambi.

Luke 22:18 ပူးပေါင်းရင်းမြစ်များ

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Yeshaya 55:1

Luayi, nuenu bonsu badi ne nyota. Ndi nnupa mayi a kunua. Nansha nuenu kanuyi ne makuta. Luayi, nuangate biakudia. Kanuena ne bua kubisumba to! Angatayi mvinyo nansha mabele anu tshianana, kanuyi nufuta!

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.

Matayi 26:29

Ndi nnujadikila ne: kutuadija ku mpindiewu, tshiakunua kabidi nwinyo ewu, too ne ku dituku dinganua nenu nwinyo mupiamupia mu Bukalenga bua Tatu wanyi.

Marke 14:23

Pashishe kuangataye kabidi dikopu dia maluvu a nwinyo, yeye mumane kuela Mvidi Mukulu tuasakidila, kudipeshaye balongi bende, bobu kunuinamu bonsu.

Marke 14:25

Ndi nnujadikila ne: tshiena mua kunua kabidi maluvu a nwinyo too ne ku dituku dindi mua kunua nwinyo mupiamupia mu Bukalenga bua Mvidi Mukulu.

Marke 15:23

Bavua basue kumupesha nwinyo musambakaja ne buanga budi bukuata bu diamba pamue ne mire. Kadi Yezu kubenga kunua.

Marke 9:1

Yezu kubambila kabidi ne: — Ndi nnujadikila ne: bamue ba ku bantu badi muaba ewu kabena mua kufua kabayi banji kumona mudi Bukalenga bua Mvidi Mukulu bufike ne bukole.

Luke 21:31

Nanku nuenu kabidi, panuamona bionsu ebi bienzeka, nenumanye ne: Bukalenga bua Mvidi Mukulu bukadi pabuipi.

Luke 22:16

Bualu ndi nnujadikila ne: tshiakudia kabidi didia edi, too ne pakumbanadi menemene mu Bukalenga bua Mvidi Mukulu.

Luke 9:27

Ndi nnujadikila bulelela ne: bakuabu badi muaba ewu nebamone Bukalenga bua Mvidi Mukulu, kabayi banji kufua.

Kolose 1:13

Bualu mmutupikule ku bukole bua miidima, mutubueje mu bukalenga bua Muanende munanga.

Balombodi 9:13

Kadi mutshi wa mvinyo kuandamuna ne: ‘Nudi nuela meji ne: ndi mua kulekela kupatula maluvu adi asankisha mvidie ne bantu, bua meme kuikala nditemba, nnyungakana ku mutu kua mitshi mikuabu anyi?’