Luke 21:37 - MUKANDA WA MYIDI MUKULU

³⁷ Dituku dionsu Yezu uvua ulongesha bantu mu nzubu wa Mvidi Mukulu. Kadi dilolu uvua ubanda pa mukuna wa Olive, ushalamu butuku bujima.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Yeye wakadi uyisha bantu mu ntempelo ku dituku ku dituku; butuku wakalubuka, wakalala mu mukuna udibo babikila ne, Oleve.

Luke 21:37 ပူးပေါင်းရင်းမြစ်များ

Zekâya 14:4

Dituku adi, neimane pa mukuna wa mitshi ya olive, udi pabuipi ne Yerushalayime, luseke ludi diba dipatukila lua tshimenga. Mukuna wa mitshi ya olive neupandike pankatshinkatshi, tshibandabanda tshinene netshimueneke, tshibanga luseke ludi diba dipatukila, tshifika too ne ku ludidi dibuelela. Tshia bibidi tshimue tshia mukuna netshisemenene luseke lua ku mutu kua ditunga, tshitupa tshikuabu netshisemenene luseke lua kuinshi kua ditunga.

Matayi 21:1

Yezu ne balongi bende basemena mu Yerushalayime, kufikabu pabuipi ne musoku wa Betfaje, ku mukuna wa Olive. Yezu kutuma balongi bende babidi,

Matayi 21:17

Pashishe kubashiyaye, kupatuka mu tshimenga, kuya mu Betanya. Kulalaye muaba awu.

Matayi 26:30

Kuimbabu misambu ya tshibilu. Pashishe kuyabu ku mukuna wa Olive.

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Marke 11:12

Butshia, bobu bamane kumuka mu Betanya, Yezu kumvua nzala.

Marke 11:19

Ku dilolu, Yezu ne balongi bende kupatukabu mu tshimenga.

Marke 14:49

Matuku onsu mvua munkatshi muenu, nnulongeshila mu nzubu wa Mvidi Mukulu, kanutua bankuate nansha. Kadi bidi bienzeka nenku bua bidibu bafunde mu Mukanda wa tshijila bikumbane.

Luke 19:29

Ufika pabuipi ne musoku wa Betfaje ne wa Betanya, pepi ne mukuna wa mitshi ya Olive, kudianjilaye kutuma balongi babidi, ubambila ne:

Luke 19:37

Yezu uvua usemena pabuipi ne Yerushalayime mu njila udi upueka ku mukuna wa mitshi ya Olive. Balongi bende bonsu tshisumbu tshinene bavua ne disanka, batumbisha Mvidi Mukulu ne diyi dikole, bua malu a kukema onsu avuabu bamone.

Luke 19:47

Matuku onsu Yezu uvua ulongesha mu nzubu wa Mvidi Mukulu. Bamfumu ba batuangaji, balongeshi ba mikenji, ne bakulu ba mu tshisamba, bavua bakeba muvuabu mua kumushipesha.

Luke 22:39

Ke Yezu kupatuka, kuya ku mukuna wa Olive, mutua tshibidilu tshiende. Balongi bende kumulonda.

Yowanane 12:1

Matuku asambombu kumpala kua tshibilu tshia Dipita dia Maweja-Nangila, Yezu kuya ku Betanya kuvua Lazare, uvuabu babishe ku lufu awu, musombe.

Yowanane 18:2

Yudase mumutungidi wa tshitungu uvua mumanye kabidi muaba awu. Bualu Yezu ne balongi bende bavua bafikemu pamue misangu mivule.

Bienzedi 1:12

Ke bapostolu kumuka ku mukuna wa mitshi ya Olive, kupingana ku Yerushalayime. Mukuna awu uvua mushilangane ne Yerushalayime mutantshi wa kilometre amu bu umue.