Luke 21:36 - MUKANDA WA MYIDI MUKULU

³⁶ Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Tabalai misangu yonso, nutendelele Nzambi mua kuikala ne bukole bua kuhanduka mu malu â onso alua, ne bua kuimana ku mesu kua Muana wa muntu.

Luke 21:36 ပူးပေါင်းရင်းမြစ်များ

Yobe 27:10

Pa mutu pa kusamuna Mvidi Mukulu amu lelu, uvua ne bua kukeba diakalenga diende kudi Mvidi Mukulu, kutendelela wa bukole buonsu matuku onsu.

Misambu 1:5

Dituku didi Mvidi Mukulu ubalumbuluisha, kabakubinga. Kabena mua kubuela mu tshisumbu tshia bantu badi balamata Maweja-Nangila.

Yirmeya 35:19

Nanku, mu diku dia Yonadabe, muana wa Rekabe, nemuikale kabidi muntu udi mua kungenzela mudimu. Ke mundi meme Maweja-Nangila wa bukole buonsu Mvidi Mukulu wa Izrayele ngamba.”

Malaki 3:2

Kudi muntu washala ne muoyi pafikaye anyi? Kudi muntu washala muimane kulu pamuenekaye anyi? Yeye neikale bu kapia kadi kengulula tshiamu, bu nsabanga wa kusukula nende bilamba.

Matayi 24:42

Dimukayi, bualu kanuena bamanye dituku diafika Mfumuenu.

Matayi 24:43

Numanye bimpe ne: bu muena nzubu mudianze kumanya diba didi muivi mua kufika butuku, neashale mutabale. Kakumulekela upanda nzubu wende to.

Matayi 24:44

Ke panudi ne bua kuikala bamane kudilongolola, bualu Muana wa muntu neafike diba dinudi kanuyi belele meji.

Matayi 25:13

Nenku ikalayi batabale, bualu kanuena bamanye nansha dituku, nansha diba.

Matayi 26:41

Tabalayi. Tendelelayi, bua kanubuedi mu mateyi. Muoyi wa kuenza bimpe nudi nawu, kadi bukole bua kubikumbaja, kanuena nabu.

Matayi 8:20

Yezu kumuandamuna ne: — Nyama ya mibuabua idi ne miaba ya kulala, nyunyi ya kulu ne masua ayi, kadi Muana wa muntu kena ne muaba udiye mua kuikisha, kulala.

Marke 13:33

Nuadimukayi, tabalayi, bualu kanuena bamanye diba didi tshikondu tshikumbana.

Marke 13:37

Bindi nnuambila ebi, ndi nnuambila bonsu ne: Tabalayi!

Luke 1:19

Ke mutumibue kumuandamuna ne: — Meme ndi Ngabriyele. Ndi ngimana kumpala kua Mvidi Mukulu bua kumuenzela mudimu. Yeye mmuntume bua kuyukidilangana nebe, ne kukumanyisha Lumu elu lua Disanka.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 20:35

Kadi balume ne bakaji badi bakanyine kubiika ku lufu, kupeta muoyi mupiamupia, kabena baselangana kabidi to.

Luke 21:35

bu mudi buteyi bukuata nyama. Bualu dituku adi nedijikidile bantu bonsu ba pa buloba bujima diakamue.

Bienzedi 10:2

Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

2 Korente 4:14

Mvidi Mukulu mmubishe Mfumu Yezu ku lufu. Ke mutudi bamanye ne: neatubishe ku lufu pamue nende. Neaditeke nenu pamue kumpala kua nkuasa wa butumbi.

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

1 Tesalonike 5:17

Nutendelele, kanuyi nupungila.

2 Timote 4:5

Kadi wewe udilame, umanye bionsu biudi wenza. Wikale ne lutuulu mu dikenga. Ulongeshe bimpe Lumu lua Disanka. Ukumbaje muebe muonsu mudimu uudi wenzela Mvidi Mukulu.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

1 Petro 5:8

Ikalayi batabale, nudimuke! Bualu muluishi wenu diabolu udi bu nyama wa ntambue, ukungula, ukeba wa kudiaye.

1 Yone 2:28

Eyowa, bana banyi, nushale mu bobumue ne Kristu. Nanku katuakupampakana dituku diamuenekaye. Katuakufua bundu kumpala kuende dituku diafikaye.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.

Didimanyisha 11:4

Bajadiki babidi aba ke mitshi ya diye ibidi, ne miendu ibidi idi kumpala kua Mfumu wa buloba.

Didimanyisha 6:17

Bualu dituku dinene dia tshiiji tshiabu ndimane kufika. Udi mua kubafuila nkanana nnganyi?”

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.

Didimanyisha 8:2

Pashishe meme kumona muvua batumibue muanda mutekete, bavua bimane kumpala kua Mvidi Mukulu, bapeta mpungi muanda mutekete.