Luke 21:24 - MUKANDA WA MYIDI MUKULU

²⁴ Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

Luke 21:24 ပူးပေါင်းရင်းမြစ်များ

Genese 34:26

Kushipabu kabidi ne Amore ne muanende Shekeme, kuangata muanabu wa bakaji Dina uvua kudi Shekeme, kuya nende!

Ekesode 17:13

Ke muvua Yoshuwa mushipe bena Amaleke bonsu, mubabutule nanku.

Yeshaya 5:5

Kadi mpindiewu, ndi nnuambila tshindi musue kuenzela budimi buanyi. Nentule lupangu lua meba lumvua muaseku, nyama neidiemu. Nengupule tshimana tshia lupangu. Bantu badi bapita ne njila nebabudiatakaje.

Yeshaya 63:18

Tuetu bantu bebe ba tshijila, tuvua ne bumfumu mu dietu ditunga amu bidimu bikese. Baluishi betu kufika, kunyanga nzubu webe wa tshijila.

Yeshaya 66:12

Maweja-Nangila udi wamba ne: “Ndi ntuma musulu wa diakalenga ku Yerushalayime, ne biuma bia matunga makuabu bungi bu musulu udi mupasalale mu tshisuku. Nenkukube mudi mamu wamusha muanende, umutuala ku lubese, umukongololuela pa bibelu biende.

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Muadi 1:15

Maweja-Nangila uvua mupepeje bena mvita ba bukitu bonsu bamvua nabu. Uvua mundongoluele tshiluilu bua kunduisha, bua kuzaza nsongalume yanyi. Uvua munzaze, meme Siyone wa Yuda, bu mudibu bakama tumuma tua mvinyo mu tshikaminu.

Danyele 12:7

Muntu uvua muvuale bilamba bia buanda bua ndanda kuela bianza bibidi mulu. Meme kumvua wamba ne: ‘Ndi nditshipa mu dina dia Mvidi Mukulu udi ne muoyi wa tshiendelele ne: malu aa neajike papita bidimu bisatu ne tshitupa. Neajike patekeshabu bukole buonsu bua tshisamba tshia Mvidi Mukulu.’

Danyele 8:13

“Pashishe meme kumona mutumibue wa Mvidi Mukulu wakula. Mutumibue mukuabu kumukonka ne: ‘Malu adibu baleja aa neanenge matuku bungi munyi? Mulambu wa kuosha wa buatshia buatshia nebaubenge matuku bungi munyi? Bubi budi bubutula bintu bionsu nebushale kashidi anyi? Muaba wa tshijila ne bia mu diulu, nebabidiatakaje ku makasa too ne ku diba kaayi?’

Danyele 9:27

Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Luke 21:25

— Mu diba, mu ngondu, ne mu mitotu, nemumueneke bintu bileja malu. Pa buloba bisamba nebikuatshike bowa bunene, bua tshiona tshia mayi manene ne mavuala awu.

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Ebrewu 11:34

kujimabu tupia tukole, kupandukabu ku muele wa mvita. Batua kabayi dikanda kupetabu bukole. Bavua bilobu bia mvita. Kutshimunabu bikulu bia bantu ba bisamba bikuabu.

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.