Luke 21:18 - MUKANDA WA MYIDI MUKULU

¹⁸ Kadi lusuki lua ku mutu wenu nansha lumue kaluakujimina.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Lusuki lumue lua ku mitu yenu kaluena lujimina.

Luke 21:18 ပူးပေါင်းရင်းမြစ်များ

2 Samuele 14:11

Mukaji kuandamuna kabidi ne: — Mukalenga uditshipe mu dina dia Maweja-Nangila Mvidi Mukulu webe bua muntu udi ne bua kusombuela bua lufu lua muananyi, kankengeshi bibi bipite, kashipi muananyi undi mushale nende. Mukalenga Davide kumuambila ne: — Bu mudi Maweja-Nangila ne muoyi, ndi nditshipa ne: nansha lusuki lua muanebe lua ku mutu kaluakumata panshi to.

Matayi 10:30

Kadi nuenu mimanye ne: nansha nsuki yenu idi mibadika yonsu.

Luke 12:7

Nansha nsuki yenu yonsu mbayibadike. Nanku kanutshinyi! Nudi bapite tshisumbu tshia nyunyi ya mishamisha ku mushinga.”

Luke 21:17

Bantu bonsu nebanukine, bualu nudi bangitaba.

Bienzedi 27:34

Nenku ndi nnulomba bua nudie. Amu nuenu badie, ke kushisha kushala ne muoyi. Muntu nansha umue wa kunudi kakujimija lusuki lua ku mutu wende to.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.

1 Samuele 25:29

Mukalenga Davide, pikala muntu wenda ukukeba bua kukushipa, Maweja-Nangila Mvidi Mukulu webe neakulame anu pabuipi nende. Maweja-Nangila neipate baluishi bebe, neabasake kule, anu bu mudibu bela lusoka mu ndundu.