Luke 21:1 - MUKANDA WA MYIDI MUKULU

¹ Yezu ukenzakana, kumonaye bena biuma bela milambu yabu mu mushete mu nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yeye wakabanduluka, wakamona bantu babanshi bela diha diabo mu tshibutshilu.

Luke 21:1 ပူးပေါင်းရင်းမြစ်များ

1 Bakalenga 14:26

Kupawulabu bintu bimpe bionsu bivua mu nzubu wa Maweja-Nangila, ne bivua mu nzubu wa bukalenga. Kuangataye bintu abi bionsu, nangananga ngabu ya tshiamu tshia mpawungi ivua Shelomu muenze.

2 Bakalenga 12:9

Ke batuangaji kuitaba. Kabavua basangisha kabidi makuta kudi bantu to. Kabavua batangila kabidi midimu ya kulongoluesha nzubu wa Mvidi Mukulu to.

2 Bakalenga 24:13

Nanku, Nebukadnesare kupawula bintu bia mushinga mukole bivua mu nzubu wa Mvidi Mukulu ne bivua mu nzubu wa bukalenga. Kushipaye bintu bionsu bivuabu benza ne tshiamu tshia mpawungi, bivua mukalenga Shelomu muenzeje bua kutendelela nabi mu nzubu wa Mvidi Mukulu.

2 Kulondolola 36:18

Kuangataye bintu bionsu binene ne bikese bivua mu nzubu wa Mvidi Mukulu, ne mu tshibutshilu tshia nzubu wa Mvidi Mukulu, ne tshia mukalenga Sedekiya ne tshia balombodi ba mu bukalenga buende. Kuyaye ne bintu bionsu abi ku Babilone.

Nehemya 13:13

Bua kulama mayeba aa, meme kusungula mutuangaji Shelemiya, Sadoke, mufundi, ne Pedaya, muana wa Levi. Bavua babambuluisha kudi Anane, muana wa Zakure, ne muikulu wa Mataniya. Bonsu abu bavua bamueneka bantu ba diyi dimue. Bavua ne mudimu wa kuabanyina bana babu bintu bia ku milambu.

Matayi 27:6

Bamfumu ba batuangaji kuangula nkanu ayi, bamba ne: — Mikenji yetu kayena mianyishe bua kuela nkanu eyi mu tshibutshilu tshia mu nzubu wa Mvidi Mukulu, bualu mmushinga mufume ku mashi a bantu.

Luke 20:47

Kadi badi banyenga bakaji bakamba nzubu ne bionsu bidibu nabi. Pine apu badi batendelela mutantshi mule bua bamueneke bu bantu bimpe. Kadi nebabanyoke bikole bipite!

Yowanane 8:20

Yezu uvua muambile bantu miaku eyi, pavuaye ulongesha mu nzubu wa Mvidi Mukulu, mu tshibambalu tshiyuabu balamina mishete ya kuela makuta a kulambula Mvidi Mukulu. Muntu nansha umue kavua mumukuate, bualu diba diende kadivua dianji kukumbana.

Yoshua 6:19

Biamu bitoke bia mushinga mukole bionsu, bia mpawungi, bikunze, ne bikuabu bionsu, nebabijidile mu dina dia Maweja-Nangila, babiele mu diyeba diende.

Yoshua 6:24

Pashishe bena Izrayele kuosha tshimenga tshia Yeriko ne bionsu bivuamu. Kabawa bosha biamu bitoke bia mushinga mukole, biamu bia mpawungi, biamu bikunze, nansha bikuabu. Bavua babiteka muaba wa tshijila wa Maweja-Nangila, bua bishale biende.