Luke 20:20 - MUKANDA WA MYIDI MUKULU

²⁰ Nanku kutuadijabu kutentekela Yezu. Ke kumutuminabu bantu bamueneka bu bantu ba muoyi muimpe. Kadi bantu aba bavua bakeba kuteya Yezu ku dimukonka bualu, bua bamone mua kumufila mu bianza ne ku bumfumu bua mulombodi wa buloba abu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bakamutentekela, bakatuma batentekedi bua kumukuatabo ku mei, bobo bakadi badinga ne, Tudi bantu bakane, bakasua kumufila mu bianza bia ngovena, muena bukokeshi.

Luke 20:20 ပူးပေါင်းရင်းမြစ်များ

2 Samuele 14:2

Nanku kubikidishaye mukaji mutalame uvua ku Tekowa, umuambila ne: — Wenze bu muntu udi mu madilu. Uwale bilamba bia madilu. Kulabi manananshi to. Wikale bu mudi mukaji mushale mu madilu matuku a bungi.

Misambu 38:12

Pandi nkengakana nanku, balunda banyi ne bena mutumba badi bannyema, nansha bana betu bakadi batalamukile pa bule.

Misambu 66:3

Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Misambu 81:15

diakamue nentekeshe baluishi babu, nenkume bena lukuna babu.

Yirmeya 11:19

Mvua muana wa mukoku udibu baye nende ku tshishipelu, kayi ubenga. Tshivua mumanye ne: badi bangelela meji mabi. Bavua bambilangana ne: “Tujule mutshi patshidi wu ne bukole. Tuupule. Nanku muntu kamanyi ne: mutshi udi muaba ewu.”

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Danyele 6:4

Uwa mupite bamfumu babidi bakuabu, ne balombodi bonsu ba bitupa bia buloba, ku lungenyi lua pa bualu luvuaye nalu. Mukalenga wa bakalenga uvua musue kumupesha muanzu wa kutangila malu a mu bukalenga buende bonsu.

Matayi 27:2

Kumusuikishabu mionji, kuyabu nende kua Pilate, muena Rome, uvua mulombodi wa ditunga adi.

Marke 3:2

Bantu bonsu bavuamu bavua batentekela Yezu bikole bua kumona ne udi mua kuondapa muntu dituku dia Dikisha, bualu bavua bakeba pa kumufundila.

Luke 11:54

Bavua bakeba kumuteya, bua bamujikile ulongesha malu adi kaayi malelela.

Luke 20:21

Nanku kukonkabu Yezu ne: — Mulongeshi, tudi bamanye ne: biudi wamba ne biudi ulongesha bidi amu pa biobi. Kuena utangila muanzu wa muntu. Kadi udi ulongesha anu patoke tshidi Mvidi Mukulu musue ne: bantu benze.

Luke 20:26

Nanku kabavua mua kumusangana ne tshilema mu miaku ivuaye wambila bantu. Bivua Yezu mubandamune bivua bibakemesha. Kupuwabu.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.