Luke 20:10 - MUKANDA WA MYIDI MUKULU

¹⁰ Tshikondu tshia kupola tumuma tshikumbana, kutumaye muena mudimu wende kudi bafutshidi abu, bua kupeta tuende tumuma kudibu. Kadi bafutshidi kutuuta muntu awu, kumuipata, kayi mupete nansha kantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakalua tshidimu tshia mamuma, wakatuma muntu wandi kudi ba bidime ne, Bampe mamuma a mu budimi. Kadi ba bidime bakamukuma, bakamuhingisha hatuhu.

Luke 20:10 ပူးပေါင်းရင်းမြစ်များ

1 Bakalenga 22:24

Diakamue, Sedekiya, muana wa Kenaane, kusemena kudi muambi Mika, kumutapa dipi ku ditama, wamba ne: — Mmunyi muudi mua kujadika ne: mueyelu wa Maweja-Nangila mmupatuke munda muanyi bua kubuela munda muebe, kukuakuisha anu wewe?

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

1 Kulondolola 19:4

Nanku, Anune kukuatshisha balombodi ba mu bukalenga bua Davide abu. Kubabeyabu miedi. Kukosabu bilamba bivuabu bavuale, kushalabi bishikidila pa mataku. Kubalekelabu bua bapingane kuabu.

2 Kulondolola 16:10

Asa kufikila muambi Anani munda. Kumueleshaye mu nzubu wa lukanu, bualu miaku ya muambi Kua mimukebe tshiji tshikole be! Tshikondu atshi, Asa kutuadija kukengesha bamue bena ditunga.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Nehemya 9:30

Bidimu bia bungi, wewe kubafuila luse. Bambi bebe kupeta Mueyelu webe, kubela bantu bebe, kadi nanshabu kubateleja. Ke wewe kubafila mu bianza bia bantu benyi.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Yirmeya 20:2

Kufutaye Yirmeya mapi, kumuelaye ku tshikunyi tshivua ku tshiibi tshia kulu tshia bena Binyamine, tshivua mu nzubu wa Mvidi Mukulu.

Yirmeya 35:15

Meme kunutumina bantu banyi bavule, bambi, bua banuambile ne: ‘Muntu yonsu wa kunudi adilengeje. Enzayi malu mimpe. Kanulamatshi mvindie ya bantu ba bisamba bikuabu bua kuyitendelela. Nenku nenusombe mu buloba bumvua munupeshe nuenu ne bankambua benu.’ Kadi kanuvua banteleje ne ntema, kanuvua bangumvue nansha.

Yirmeya 5:24

Kadi nuvua mua kuamba ne: “Tudi mua kunemeka bumfumu bua Maweja-Nangila Mvidi Mukulu wetu. Bualu udi utupa mvula amu pa diba diende. Kabidi ku tshidimu tshionsu udi ukuata mudimu, bua bintu bia mu madimi bipie diba diakane.”

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Luke 20:11

Muena budimi kutuma kabidi muena mudimu mukuabu. Bafutshidi kumutuuta kabidi, kumupenda, kumuipata kayi mupete kantu.

Luke 20:9

Ke Yezu kuelela kabidi bantu lusumuinu ne: — Muntu uvua mukune mionji ya nwinyo. Kushiyaye budimi abu kudi bafiitshidi. Kuyaye ku luendu lua matuku a bungi.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Rome 7:4

Bana hetu, bidi bia momumue kabidi buenu nuenu. Nudi bafue ku bidi bitangila mikenji, bualu nudi badisange mu mubidi wa Kristu. Mpindiewu nudi bantu ba muntu mukuabu, ba muntu uvua mubike ku bafue, bua tukuatshile Mvidi Mukulu midimu idi imusankisha.