Luke 20:1 - MUKANDA WA MYIDI MUKULU

¹ Dituku dikuabu Yezu uvua ulongesha bantu mu nzubu wa Mvidi Mukulu, ubamanyisha Lumu lua Disanka. Bamfumu ba batuangaji, balongeshi ba mikenji, ne bakulu, kufika kudiye.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dituku dikuabo, hakadiye uyisha bantu mu ntempelo, hakadiye ubambila bualu bua lumu luimpe, bakuidi banene ba Nzambi ne bafundi ne bakulu bakamutukidila;

Luke 20:1 ပူးပေါင်းရင်းမြစ်များ

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Luke 20:2

Kumukonkabu ne: — Malu onsu audi wenza aa, udi wenza ne bukenji kaayi? Udi mukuambile bua kuwenza nnganyi?

Luke 8:1

Pashishe Yezu kuya ne balongi bende mu bimenga bionsu ne mu misoku. Uvua ulongeshamu bantu, ubamanyisha Lumu lua Disanka lua Bukalenga bua Mvidi Mukulu. Balongi bende dikumi ne babidi bavua nende mu luendu alu.

Yowanane 18:20

Yezu kumuandamuna ne: — Mvua muambile bantu bonsu malu amu patoke. Mvua mulongeshe misangu mivule mu nzubu ya kutendelela ya bena Yuda, ne mu nzubu wa Mvidi Mukulu, muaba udi bena Yuda bonsu basangila. Tshivua muakule bualu nansha bumue mu musokoku.

Bienzedi 4:1

Patshivua Petro ne Yowanane balongesha bantu, ke batuangaji, balombodi ba balami ba nzubu wa Mvidi Mukulu, ne Basaduke, kufika.

Bienzedi 6:12

Ke pavuabu basonsola bakulu, ne balongeshi ba mikenji, ne bantu bakuabu. Kuyabu kudi Stefane, kumukuata, kuya nende ku Tshipangu tshikulu.