Luke 2:7 - MUKANDA WA MYIDI MUKULU

⁷ Kulelaye muana wa balume, muanabute wende. Kumujingilaye mikusu, kumuladika mu tshidilu tshia nyama. Bualu kabavua ne muaba mu nzubu wa tshilala benyi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakalela muanʼandi mulume, muanʼa bute, yeye wakamujingila tshilulu, wakamuladika mu tshidilu tshia nyama, bualu bua mu nsubu wa tshilala benyi kamuakadi muaba.

Luke 2:7 ပူးပေါင်းရင်းမြစ်များ

Genese 42:27

Bimane mu njila diba dia kulala, umue wa kudibu usulula tshibombi tshiende bua kupesha mpunde wende biakudia, kumona makuta ende mateka ku mibangubangu ya tshibombi.

Genese 43:21

Pashishe patudi tupingana kuetu, mu njila, butuku buila, tuetu kulala. Patudi tunzulula bibombi bietu, muntu yonsu wa kutudi udi usangana amu makuta ende, avuaye mutule bua kusumba biakudia, ku mibangubangu ya tshibombi tshiende. Kadi makuta awu tudi nawu muaba ewu mpindiewu.

Misambu 22:6

Bavua bakubikila, wewe kubapikula. Bavua bakutekemena, kabayi bashala ku bundu!

Ekesode 4:24

Pavua Moshe mu njila, ulala mu nzubu wa tshilala benyi, kusambakenaye ne Maweja-Nangila uvua ukeba kumushipa.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Matayi 1:25

Kadi kavua mumanyangane nende, too ne muakalela Mariya muanende wa balume. Yozefe kuinyika muana awu dina ne: Yezu.

Matayi 13:55

Yeye ewu ki mmuana wa muena mabaya anyi? Mamuende ki Mariya anyi? Yakobe, Yozefe, Simone ne Yuda ki mbana babu anyi?

Matayi 8:20

Yezu kumuandamuna ne: — Nyama ya mibuabua idi ne miaba ya kulala, nyunyi ya kulu ne masua ayi, kadi Muana wa muntu kena ne muaba udiye mua kuikisha, kulala.

Luke 10:34

Kuyaye kudiye. Kuelaye mafuta ne nwinyo mu mputa yende, kusuika. Pashishekumutekaye pa nyama wende, kumufila ku nzubu wa tshilala benyi, bua bamulamemu mu dina diende.

Luke 2:6

Pavuabu mu Betleyeme, dituku divua Mariya ne bua kulela kukumbanadi.

Luke 2:8

Mu buloba abu muvua balami ba mikoku, batshisha butuku mu mpata bua kulama mikoku yabu.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.