Luke 2:51 - MUKANDA WA MYIDI MUKULU

⁵¹ Ke Yezu kupingana nabu mu Nazarete. Uvua ubatumikila. Mamuende uvua ulama malu aa onsu mu muoyi wende.

Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Yeye wakahueka nʼabo, wakaya ku Nazaleta; wakadi utumikila mei abo; baba wandi wakalama malu â onso mu mutshima wandi.

Luke 2:51 ပူးပေါင်းရင်းမြစ်များ

Genese 37:11

Bana babu ne Yozefe kumunwuila lubabu. Kadi tatuende uvua anu uvuluka misangu mivule bilota abi.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Danyele 7:28

“Apa ke ndekelu wa bualu ebu. “Meme Daniyele, mvua mukuatshike bowa bua bungi. Mpala wanyi kutokoloka. Meme kutuluka bualu ebu diba dionsu mu muoyi wanyi.”

Matayi 12:46

Yezu utshivua wakula ne bantu, ke mamuende ne bana babu ba balume kufika. Bavua bimanyine pambelu, balomba mua kuyukila nende.

Matayi 3:15

Kadi Yezu kumuandamuna ne: — Kuanji kubenga to. Tuetu benze bionsu ebi, netukumbaje tshidi Mvidi Mukulu ulomba. Nanku Yowanane kuanyisha.

Marke 1:9

Mu matuku awu, Yezu uvua utumina ku Nazarete, musoku wa mu Ngalileya. Ke Yowanane kumutua mu mayi mu musulu wa Yardene.

Marke 6:3

Yeye ewu ki mmuntu udi utenga nzubu anyi? Kena muana wa Mariya anyi? Kena muanabu ne Yakobe anyi? Kena muanabu ne Yoze anyi? Kena muanabu ne Yuda ne Simone anyi? Bana babu ba bakaji kabena munkatshi muetu emu anyi? Ke tshiyuabu babengela kumuitabila.

Luke 18:37

Kumuambilabu ne: — Ke Yezu wa mu Nazarete udi upita mu njila emu.

Luke 2:19

Kadi Mariya uvua ulama malu onsu aa mu muoyi, welangana meji bikole munda muende.

Luke 2:39

Baledi ba Yezu bamane kukumbaja bionsu bivua mikenji ya Maweja-Nangila miambe, kupinganabu ne Yezu mu Ngalileya mu tshimenga tshiabu tshia Nazarete.

Luke 4:16

Yezu kuya kabidi mu Nazarete, muvuabu bamukoleshe. Dituku dia dikisha kubuelaye mu nzubu wa ditendelela wa bena Yuda, bu muvua tshibidilu tshiende. Kujukaye kulu bua kubala Mikanda ya tshijila.

Luke 4:23

Yezu kubambila ne: — Bulelela nenungelele lusumuinu lua ne: “Wewe munganga, wadiondapa nkayebe!” Nenungambile kabidi ne: “Bimvua bumvue wewe muenze mu Kefamawume, ubienze kabidi munu mu tshimenga tshienu.”

Efeze 5:21

Bu munudi nunemeka Mfumu, nutumikilangane.

1 Petro 2:21

Ke tshidi Mvidi Mukulu munubikidile, bualu Kristu kabidi uvua mukenge bualu buenu, munushile tshilejilu, bua nulonde makasa ende.