Luke 2:11 - MUKANDA WA MYIDI MUKULU

¹¹ butuku ebu mu tshimenga tshia Davide, mbalelamu Musungidi wenu. Yeye ke Kristu Mfumu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ lelu bakunulelela Musungidi mu musoko wa Davidi, yeye udi Kilisto Mukelenge.

Luke 2:11 ပူးပေါင်းရင်းမြစ်များ

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Matayi 1:16

Yakobe kulela Yozefe, bayende wa Mariya, mamuende wa Yezu, udibu binyika ne: Kristu.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Matayi 16:16

Simone Petro kuandamuna ne: — Wewe udi Kristu, Muana wa Mvidi Mukulu udi ne muoyi.

Matayi 16:20

Pashishe Yezu kukandika balongi bende bua kabambidi muntu ne: Yezu udi Kristu.

Luke 1:43

Meme mene ndi nganyi? Mudi mamuende wa Mfumu mua kuvua kunsamba nunku mbishi?

Luke 1:69

Kutupatuilaye Musungidi wa bukole, mu ndelanganyi ya mukalenga Davide, muntu wende.

Luke 2:26

Uvua mudianze kumumanyisha ne: kuena ufua, kuyi muanji kumona Kristu, Musungidi mutuma kudi Maweja-Nangila.

Luke 2:4

Yozefe kumuka mu Ngalileya mu tshimenga tshia Nazarete, kuya mu buloba bua Yudeya mu tshimenga tshidibu binyika Betleyeme, muvuabu balelele mukalenga Davide. Bualu Yozefe uvua wa ku ndelanganyi ya Davide.

Yowanane 1:41

Andre kusambakena diambedi ne muanabu Simone. Kumuambilaye ne: — Tuvua bamone Meshiya. (Mmomumue ne: “Kristu”).

Yowanane 1:45

Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.

Yowanane 11:27

Marte kuandamuna ne: — Eyowa, Mfumu, ndi ngitaba ne: Wewe udi Meshiya, Muana wa Mvidi Mukulu udi ne bua kulua pa buloba.

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Yowanane 4:25

Mukaji kumuamba ne: — Ndi mumanye ne: Meshiya (mmomumue ne Kristu) nealue. Pafikaye, neatujinguluile malu onsu.

Yowanane 4:42

Ke bantu kuambila mukaji ne: — Mpindiewu katuena tuitaba amu bua biuvua mutulondele. Kadi tuvua badiumvuile nkayetu. Nanku tudi bamanye ne: Yeye ke Musungidi menemene wa bantu.

Yowanane 6:69

Mpindiewu tudi tuitaba, tumanya ne: wewe ke wa Tshijila udi mufume kudi Mvidi Mukulu.

Yowanane 7:41

Bakuabu bavua bamba ne: — Yeye ke Meshiya! Kadi bamue bavua bakonka ne: — Meshiya udi mua kufumina mu Ngalileya anyi?

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Bienzedi 13:23

Ku ndelanganyi ya Davide, ke kudi Mvidi Mukulu mupatuile bena Izrayele Yezu, Musungidi wabu, amu muvuaye mulaye.

Bienzedi 17:3

Polu kubumvuija mikanda ayi, ubaleja ne: bilondeshile Mikanda ya tshijila eyi, Kristu uvua ne bua kukenga, kufua, kubiika. Uvua ubambila kabidi ne: — Kristu, Musungidi wetu, ke Yezu undi nnumanyisha!

Bienzedi 2:36

Nuenu bena Izrayele bonsu, nujadike ne: Yezu ewu, unuvua bapopele pa mutshi mutshiamakane, ke yeye udi Mvidi Mukulu muteke Mfumu ne Kristu!

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

1 Korente 15:47

Adame wa kumpala bayua bamuenze ne buloba. Kadi Adame muibidi mmufume mu diulu.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

Filipe 3:8

Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

Kolose 2:6

Nenku panudi bamane kuitaba Yezu Kristu bu Mfumu, nudisange nende.

1 Yone 4:14

Tuvua bamone, ke patudi tujadika ne: Tatu uvua mufume Muanende, bua kuikalaye Musungidi wa bantu.

1 Yone 5:1

Muntu yonsu udi witaba ne: Yezu udi Kristu, udi muana wa Mvidi Mukulu. Muntu yonsu udi unanga tatu, udi unanga kabidi ne bana bende.