Luke 19:5 - MUKANDA WA MYIDI MUKULU

⁵ Yezu ufika muaba awu, kutangilaye kulu, wambila Zakayi ne: — Zakayi, tuluka lukasa, bualu lelu ndi muebe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hakafika Yesu ha muaba au, wakatangila kulu, wakamuambila ne, Zakayo, tuluka lukasa, bundi nʼabu mbua kuikala mu nsubu muebe lelu.

Luke 19:5 ပူးပေါင်းရင်းမြစ်များ

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Yezekiyele 16:6

Meme kupitshila pabuipi nebe, kusangana mulale amu mu mashi ebe. Nansha muuvua mudibonde mu mashi ebe pambidi ponsu, meme kukuambila ne: shala ne muoyi. Meme kuenza muanyi muonsu bua wikale anu ne muoyi.

Luke 19:10

Muana wa muntu mmufike bua kukeba ne kusungidila bantu bavua bajimine.

Luke 19:2

Muaba awu muvua muntu, dina diende Zakayi. Uvua mfumu wa balambuishi ba bitadi, muena biuma bia bungi.

Luke 19:4

Ke kudianjilaye kumpala lubilu, kubanda ku mutshi wa sikomore, bua kumona Yezu uvua ne bua kupitshila muaba awu.

Luke 19:6

Zakayi kutuluka lukasa, kuakidila Yezu ne disanka.

Yowanane 1:48

Natanayele kumukonka ne: — Udi mummanye munyi? Yezu kumuandamuna ne: — Mvua mukumone, Filipe kayi muanji kukubikila, pauvua muinshi mua mutshi wa mfiku.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Efeze 3:17

Ndi mmulomba kabidi bua Kristu ikale mu mioyi yenu ku ditaba, bua nuase miji mu dinanga, nushindamemu.

Ebrewu 13:2

Nuvuluke ne: nudi ne bua kuakidila bimpe benyi badi bamvuila. Bualu bamue bavua benze nanku bavua bakidile batumibue ba Mvidi Mukulu kabayi bamanye.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.