Luke 19:47 - MUKANDA WA MYIDI MUKULU

⁴⁷ Matuku onsu Yezu uvua ulongesha mu nzubu wa Mvidi Mukulu. Bamfumu ba batuangaji, balongeshi ba mikenji, ne bakulu ba mu tshisamba, bavua bakeba muvuabu mua kumushipesha.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ Wakadi ubayisha mu ntempelo ku dituku ku dituku. Kadi bakuidi banene ba Nzambi ne bafundi ba bantu bakakeba mua kumushiha;

Luke 19:47 ပူးပေါင်းရင်းမြစ်များ

Matayi 21:23

Yezu kubuela mu nzubu wa Mvidi Mukulu. Pavuaye mutuadije kulongesha, bamfumu ba batuangaji, ne bakulu ba bena Yuda, kusemena kudiye, bamukonka ne: — Malu audi wenza aa, udi muenze ne bumfumu kaayi? Udi mukupeshe bumfumu ebu nnganyi?

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Marke 11:18

Batuangaji banene ne balongeshi ba mikenji bumvua bualu abu, kukebabu mushindu wa kushipesha Yezu. Kadi bavua bamutshina, bualu bantu bavule bavua bakema bikole bua dilongesha diende.

Marke 12:12

Bamfumu ba bena Yuda bavua bakeba mushindu udibu mua kukuata Yezu. Bualu bavua bamanye muvuaye wela lusumuinu elu bualu buabu. Kadi bavua batshina bantu, nenku bobu kumulekela kuyabu.

Marke 14:1

Kutshivua kushala matuku abidi bua tshibilu tshia Dipita dia Maweja-Nangila ne tshia mampa kaayi mela buanga kuenzekatshi. Bamfumu ba batuangaji ne balongeshi ba mikenji bavua bakebela pa kukuatshila Yezu mu musokoku ne kumushipa.

Marke 14:49

Matuku onsu mvua munkatshi muenu, nnulongeshila mu nzubu wa Mvidi Mukulu, kanutua bankuate nansha. Kadi bidi bienzeka nenku bua bidibu bafunde mu Mukanda wa tshijila bikumbane.

Luke 19:48

Kadi kabavua bamanye tshia kuenza, bualu bantu bonsu bavua pabuipi nende, bamuteleja ne ntema mivule.

Luke 20:19

Balongeshi ba mikenji ne bamfumu ba batuangaji bavua bakeba kukuata Yezu diba adi. Bualu bavua bamanye ne: Yezu mmutuelele tuetu lusumuinu elu. Kadi bavua batshina bantu.

Yowanane 10:39

Bavua bakeba kabidi kumukuata, kadi yeye kongoloka.

Yowanane 18:20

Yezu kumuandamuna ne: — Mvua muambile bantu bonsu malu amu patoke. Mvua mulongeshe misangu mivule mu nzubu ya kutendelela ya bena Yuda, ne mu nzubu wa Mvidi Mukulu, muaba udi bena Yuda bonsu basangila. Tshivua muakule bualu nansha bumue mu musokoku.

Yowanane 7:19

Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?

Yowanane 7:44

Bamue ba kudibu bavua basue kumukuata. Kadi muntu nansha umue kavua umulenga pambidi.