Luke 19:17 - MUKANDA WA MYIDI MUKULU

¹⁷ Mukalenga kumuamba ne: “Uvua muenze bimpe. Udi muena mudimu wa nsongu. Bu muuvua mukumbaje mudimu bimpe ne bintu bikese bindi mukushile, nenkuteke mulombodi wa bimenga dikumi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Wakamuambila ne, Bimpe, wewe udi muhika muimpe: bualu bua wewe wakadi mutumikile hawakadi ne tshintu tshikese, wikale biebe nfumu wa misoko dikumi.

Luke 19:17 ပူးပေါင်းရင်းမြစ်များ

Genese 39:4

Nanku Potifare kunanga Yozefe bikole. Kumupeshaye mudimu wa kulombola bantu ne bintu bionsu bia mu nzubu muende.

Nsumuinu 27:18

Muntu udi ulama mutshi wa mfiku bimpe, neadie bimuma biawu. Muena mudimu udi ukuba mfumuende nebamutumbishe.

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Luke 16:10

Udi ulama bintu bikese bimpe, nealame kabidi bintu bivule bimpe. Udi udinga mu bintu bikese, neadinge kabidi mu bintu bivule.

Luke 19:16

Wa kumpala kufika, wamba ne: ‘Mukalenga, uvua mumpeshe lukanu lumue. Meme kuenduluka kupeta mikuabu dikumi.’ ”

Luke 19:18

Muena mudimu muibidi kufika, wamba ne: “Mukalenga, uvua mumpeshe lukanu lumue. Meme kuenduluka, kupeta mikuabu itanu.”

Luke 22:30

Nuenu nenudie, nunue ku mesa anyi mu Bukalenga buanyi. Nenusombe mu nkuasa ya bumfumu bua kukosa nsambu ya bisamba dikumi ne bibidi bia bena Izrayele.

Rome 2:29

Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.