Luke 19:14 - MUKANDA WA MYIDI MUKULU

¹⁴ Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi bantu bandi bakadi nʼandi lukuna, bakatuma miloho bua kumulonda ne, Katuena basue muntu eu ikale mukelenge wetu.

Luke 19:14 ပူးပေါင်းရင်းမြစ်များ

2 Samuele 23:7

Udi musue kualenga, udi utuika ndami wa tshiamu, nansha musongolu wa mutshi, wosha bionsu muaba awu.

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Luke 14:32

Pikalaye kayi mua kumuluisha bimpe, udi umutumina mukenji patshidiye kule, umuebeja mudibu mua kumyuangana nende bua mvita kayenzeki.

Luke 19:13

Kayi muanji kuya, kubikilaye bena mudimu bende dikumi, bua kubapesha muntu yonsu lukanu lua mpawungi. Kubambilaye ne: “Nuenduluke ne lukanu luenu too ne panga-pingana.”

Luke 19:15

“Kadi muntu awu kupeta amu bukalenga. Ke kupinganaye mu ditunga diende. Kubikidishaye bena mudimu ba-vuaye mupeshe nkanu, bua kumanya tshiyuabu bapete.

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Yowanane 1:11

Muaku kufika mu ditunga diawu. Kadi bana bawu nanshabu kuwakidila.

Yowanane 15:18

Padi ba pa buloba banukina, mimanye ne: bavua badianjila kunkina meme kumpala kuenu.

1 Samuele 8:7

Maweja-Nangila kumuandamuna ne: — Uteleje bena Izrayele, ubenzele bionsu bidibu balomba. Bualu udibu babenga ki ngwewe to, mmeme! Kabatshiena basue bua meme kuikala mukalenga wabu to.