Luke 18:3 - MUKANDA WA MYIDI MUKULU

³ Mu tshimenga atshi muvua kabidi mukaji mukamba. Uvua uya kudi mukoshi wa nsambu misangu ne misangu, umulomba ne: “Unkosele tshilumbu tshianyi amu pa tshiotshi ne muena lukuna wanyi.”

Mukanda wa Nzambi Dihungila Dikulukulu ne Dihungila Dihia-dihia 2003

³ mu musoko au kabidi muakadi mukashi wa mu lufuila; wakalua kudiye misangu ya bungi, wakamuambila ne, Unsombuele kudi udi nʼanyi lukuna.

Luke 18:3 ပူးပေါင်းရင်းမြစ်များ

Yobe 22:9

Uvua muipate bakaji bankamba bumuke bianza bitupu. Uvua mukengeshe bana ba nshiya, muibe bintu biabu.

Yobe 29:13

Bantu bavua bapunga ne lufu, bavua banjingila diakalenga. Meme kusankisha bakaji bankamba.

Yeshaya 1:17

Kadi enzayi malu makane, ambuluishayi bantu bua benzelangane bimpe, nukandike badi bakengesha bantu bakuabu. Vulukayi muana nshiye, bua apete tshidiye ne bua kupeta. Akuilayi mukaji mukamba.”

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.

Matayi 5:25

Pikala muntu mukufunde, kabidi nuye nende pamue kudi ndumbulula, keba mua kumvuangana nende lukasa, panutshidi mu njila apu. Kuyi mumvuangane nende, neakukuatshishe kudi mulumbuluishi. Awu pende neakufile kudi mulami wa bena lukanu, bua bakuele mu nzubu wa lukanu.

Luke 18:2

— Mu tshimenga kampanda muvua mukoshi wa nsambu. Kavua utshina Mvidi Mukulu, kavua unemeka muntu nansha umue.

Luke 18:4

Mukoshi wa nsambu kubenga matuku a bungi. Kadi pashishe kudielaye meji ne: “Nansha meme tshiyi ntshina Mvidi Mukulu, tshiyi nnemeka bantu,

Luke 18:5

kadi bu mudi mukaji mukamba ewu unsuya, nenkose tshilumbu tshiende mudi tshi. Patupu neansuye misangu yonsu, bifuane wangela nzadi mu mesu.”

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”