Luke 18:18 - MUKANDA WA MYIDI MUKULU

¹⁸ Muntu munene wa bena Yuda kukonka Yezu ne: — Mulongeshi muimpe, bua meme kupeta muoyi wa kashidi ngenze tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mukelenge mukuabo wakamukonka ne, Muyishi Muimpe, nengenze tshinyi bua kuhiana muoyo wa tshiendelele?

Luke 18:18 ပူးပေါင်းရင်းမြစ်များ

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Malaki 1:6

— Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Luke 18:19

Yezu kumukonka ne: — Udi umbikila muimpe bua tshinyi? Kakuena muntu udi muimpe, amu Mvidi Mukulu nkayende.

Luke 6:46

“Nudi numbikila ‘Mfumu, Mfumu,’ kanuyi nuenza mundi munuambile bua tshinyi?

Bienzedi 16:30

Pashishe kubapatulaye mu kazubu aku, ubakonka ne: — Bakalenga, bua meme kupanda, ngenze tshinyi?

Bienzedi 2:37

Bantu bumvua miaku eyi, kulubakanabu bikole. Kukonkabu Petro ne bapostolu bakuabu ne: — Kadi, bana betu, tshitudi ne bua kuenza ntshinyi?