Luke 18:13 - MUKANDA WA MYIDI MUKULU

¹³ Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi musangishi wa mulambu wakimana ha bule, kakasua kuambula mpala mulu, wakadikuma mu tshiadi, wakamba ne, Nzambi, ndi muntu mubi, unfue luse.

Luke 18:13 ပူးပေါင်းရင်းမြစ်များ

2 Samuele 12:13

Davide kuandamuna muambi Natane ne: — Ndi mumanye ne: ndi muenze bibi kumpala kua Maweja-Nangila. Muambi Natane kumuambila ne: — Nanku, Maweja-Nangila udi ukufuila luse. Kuena ufua to.

2 Kulondolola 33:19

Mu mukanda wa malu a Ozayi mbafunde kabidi ditendelela diende, ne mushindu uvua Mvidi Mukulu muitabe dilomba diende. Mbafundemu malu mabi avuaye muenze, ne muvuaye mutombokele Mvidi Mukulu. Mbafundemu kabidi miaba iwaye muase nzubu, ne makunji ne mpingu bia kutendelela mvidie ya bantu benyi, pavuaye kayi muanji kutondela Mvidi Mukulu mibi yende.

2 Kulondolola 33:23

Kadi kavua utondela Mvidi Mukulu bubi buende, bu muvua tatuende Menashe muenze to. Uvua muenze malu mabi mapite a tatuende Menashe.

Ezela 9:6

kumutendelela ne: — Mvidi Mukulu wanyi, ndi ne bundu mesu tente! Mvidi Mukulu wanyi, tshiena mua kukuleja mpala wanyi. Mibi yetu idi ya bungi, mmibande too, mipite mitu yetu. Idi bu mikuna, mmiye too ne mu diulu.

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Misambu 106:6

Tudi benza malu mabi avua batatu betu benze, tudi benza bibi, tudi bapila.

Misambu 119:41

Maweja-Nangila, undeje buimpe buebe, unsungidile bu muuvua mulaye.

Misambu 130:7

Bena Izrayele, Tekemenayi Maweja-Nangila, bualu udi muimpe, udi mua kunusungidila mishindu yonsu.

Misambu 25:11

Maweja-Nangila, wewe udi Mvidi Mukulu. Mibi yanyi mmipite bungi! Umfuile luse!

Misambu 25:7

Nanku, kuvuluki bilema bianyi bia ku buana, nansha ntupakanyi yanyi. Kadi Maweja-Nangila, kumpu muoyi, bualu udi munnange. Ndi ntekemena luse luebe.

Misambu 40:12

Maweja-Nangila kuakubenga kumfuila luse to. Bu muudi munnange, ukumbaje kabidi malaya ebe, neumpandishe misangu yonsu.

Misambu 41:4

Padiye mu bulalu, usama bikole, Maweja-Nangila udi umukuba, umupingajila bukole.

Ekesode 33:10

Bantu bonsu bavua batua binu panshi mu mishiku yabu ya mbelu, pavuabu bamona divuba adi ku tshibuelelu tshia ntenta wa kusambakena.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Yeshaya 66:2

Tshionsu tshinudi numona, meme ke udi mutshienze ne bianza bianyi. Ndi nnuambila ne: bionsu ebi mbianyi. Kadi muntu undi ntangila ne disanka, ke muena muoyi wa bupuekele, udi unyingalala bua mibi yende, udi uteleja diyi dianyi ne luzakalu, ungitaba.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Matayi 10:3

Filipe ne Bartolmayi; Tomase ne Matayi, mulambuishi wa bitadi; Yakobe muana wa Alfayi, ne Tadeyi;

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Marke 11:25

Ne panudi bimane kulu bua kutendelela, panudi bajilangana ne muntu kampanda, numutuile luse, bua Tatu wenu udi mu diulu anulekele mibi yenu kabidi. [

Luke 17:12

Ufika mu musoku mulkuabu, ke bena nsudi dikumi, bantu balume, kusambakena nende. Bavua bimanyine pa bule,

Luke 22:41

Ke Yezu kumuka muaba uvua balongi bende mutantshi wa dibue dikupa. Kutuaye binu, utendelela,

Luke 23:48

Bantu bonsu bavua bavua muaba awu bua kubandila bualu abu. Kumonabu bivua bienzeka abi. Nanku kupinganabu kuabu, badituuta bianza pa tshiadi ne dibungama.

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Bienzedi 2:37

Bantu bumvua miaku eyi, kulubakanabu bikole. Kukonkabu Petro ne bapostolu bakuabu ne: — Kadi, bana betu, tshitudi ne bua kuenza ntshinyi?

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

2 Korente 7:11

Monayi muvua Mvidi Mukulu mukuate mudimu ne dibungama dinuvua nadi! Mpindiewu nukadi nutua tshilumbu atshi tshiadi. Nukadi nukeba kuleja munudi babinge! Nudi bafikile muena tshibawu munda. Nudi nutshina tshiji tshianyi, nujinga kumonangana nanyi! Nudi ne disuminyina, nukeba kunyoka badi benza bibi! Ke munudi baleje muenu muonsu munudi babinge mu tshilumbu atshi.

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

Ebrewu 8:12

Nembajimijile bilema biabu. Tshiena mvuluka kabidi mibi yabu.”