Luke 18:12 - MUKANDA WA MYIDI MUKULU

¹² Meme ndi njila biakudia matuku abidi ku lumingu, nkulambula tshia dikumi tshia bintu bionsu bindi mpeta.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Ntu ngajila bia kudia lumingu lumue misangu ibidi; ntu ngafila tshia dikumi tshia bintu bionso bintu ngaheta.

Luke 18:12 ပူးပေါင်းရင်းမြစ်များ

2 Bakalenga 10:16

Yehu kuambila Yonadabe ne: — Tuye nebe, umone mundi ngenzela Maweja-Nangila mudimu ne muoyi mujima. Nanku, Yehu kuya ne Yonadabe mu ditempu diende.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Malaki 3:8

Ndi nnuandamuna ne: ‘Panudi nudinga Mvidi Mukulu, nudi nuenza bimpe anyi? Kadi nuenu nudi amu nundinga!’ Nudi nunkonka ne: ‘Tudi tukudinga munyi?’ ‘Nudi nundinga mu tshia dikumi tshia binudi nupeta, ne mu milambu.

Dibadika 18:24

Kadi nebapete tshia dikumi tshia bintu bidi bena Izrayele ne bua kundambula. Ke pandi ngamba ne: kabakuikala ne tshiabu tshitupa tshia buloba, bu mudi bisamba bikuabu bia bena Izrayele natshi.

Dibadika 23:4

Maweja-Nangila kumuenekela Balaame muaba awu. Awu kuambila Maweja-Nangila ne: — Ndi muenzeje bilambuilu muanda mutekete. Ngalambulu ngombe mulume umue, ne mukoku wa tshimpanga umue, pa tshilambuilu tshionsu.

Matayi 5:20

Ndi nnujadikila ne: nenubuele mu Bukalenga bua mu diulu, amu panudi nutumikila ku mikenji ya Mvidi Mukulu, bapite balongeshi ba mikenji, ne Baparushe.

Matayi 6:1

— Dimukayi: kanuenji malu enu mimpe bua mesu a bantu, bua kunumonabu. Nuenu benze nanku, Tatu wenu udi mu diulu kena unufuta to.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Matayi 9:14

Ke balongi ba Yowanane-Batiste kusemena kudi Yezu, bamukonka ne: — Tuetu ne Baparushe, tudi tujila biakudia misangu mivule. Kadi balongi bebe kabena babijila bua tshinyi?

Luke 11:42

“Nuenu Baparushe, nudi bena diakabi! Nudi nulambula tshia dikumi tshia bia mu madimi enu, tshia tshiluabenyi, tshia tshikote, nansha tshia bisekiseki bishilangane bikuabu. Kadi kanuena basue kuenzela bantu bimpe, nansha kunanga Mvidi Mukulu. Ke binuvua ne bua kuenza ebi, kanuyi nulengulula bikuabu abi.

Luke 17:10

Ke munudi nuenu kabidi. Panudi nukumbaja bionsu bidi Mvidi Mukulu unuambila, nuambe amu ne: “Tudi amu bena mudimu ba patupu. Tuvua bakumbaje amu bituvua ne bua kuenza.”

Rome 3:27

Nanku kutshidi tshintu tshidi bantu mua kuditemba natshi anyi? Nansha kakese! Katshienaku nansha tshimue. Katshienaku bua tshinyi? Badi mua kuditemba bua mikenji idi ibafundila mudimu wa kuenza anyi? Nansha kakese! Amu mikenji idi ibafikishaku ditaba ke idi ne bualu.

1 Korente 1:29

Nanku muntu nansha umue kena mua kuditemba kumpala kua Mvidi Mukulu.

Ngalate 1:14

Mvua mukumbaje bimpe bitambe malu a ditaba dia bena Yuda, mupite bena mulongu wanyi bavule. Mvua musuminyine bibidilu bia bankambua, kakuyi wa kufuanangana nanyi.

Efeze 2:9

Lupandu kaluena lufuma ku midimu yenu. Nanku muntu nansha umue kena mua kuditemba.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

1 Samuele 15:13

Samuwele ufika pabuipi ne Shawule. Shawule kumuambila ne: — Maweja-Nangila akuele lupemba! Ndi mukumbaje bionsu bivua Maweja-Nangila mungambile.