Luke 17:6 - MUKANDA WA MYIDI MUKULU

⁶ Mfumu kuandamuna ne: — Bu nuenu ne ditaba bunene bua lutete lua lusanga, nuvua mua kuambila mutshi wa sikomore wawa ne: “Juka apa, umene mu mayi manene.” Nanku mutshi newitabe mu diyi dienu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mukelenge wakamba ne, Bu nuenu bikale ne ditabusha bunene bua lutete lua mutada, nuakadi kuambila mutshi eu wa sukamina ne, Ujudibue, ukunyibue mu dishiba; wowo wakadi kutumikila dî dienu.

Luke 17:6 ပူးပေါင်းရင်းမြစ်များ

Matayi 14:29

Yezu kumubikila ne: — Vuakunu! Petro kupatuka mu buatu, wenda pa mayi, mutangile kudi Yezu.

Matayi 17:20

Ke Yezu kubandamuna ne: — Bualu ditaba dienu kadiena dikumbane to. Ndi nnujadikila bulelela ne: bu nuenu ne ditaba bunene bua lutete lua mutshi wa lusanga, malu onsu adi anuteketela. Diba adi, nenutumine mukuna ewu diyi ne: “Umuke apa, uye papa,” mukuna kuya! [

Matayi 21:21

Yezu kubandamuna ne: — Ndi nnujadikila bulelela ne: nuenu bikale ne ditaba, kanuyi nuela mpata, kanuakuenza anu tshindi muenzele mutshi wa mfiku ewu nansha. Kadi diba adi nenuambile mukuna ewu ne: “Umuke paudi apu, uye kudiela mu mayi manene,” mukuna neuye.

Marke 4:31

Budi bufuanangane ne lutete lua mutshi wa lusanga, padibu balukuna mu buloba, ludi lupite bukese ku ntete yonsu ya biakudia.

Marke 9:23

Yezu kumuambila ne: — Udi wamba ne: bu wewe musue! Kadi bionsu bidi biteketela muntu udi ne ditaba.

Luke 13:19

mBufuanangane ne lutete lua mutshi wa lusanga, luvua muntu mukune mu budimu buende. Lolu kutoloka, mutshi kukola. Nyunyi kuibakila masua ayi mu matamba amu.

Luke 17:7

— Tuambe ne: muntu wa kunudi udi mua kuikala ne muena mudimu wende udi udima, nansha umulamina bimuna. Padiye umona muena mudimu awu ufuma ku budimi nansha ku mpata, neamubikile lukasa bua kudiaye nende ku mesa anyi?

Luke 19:4

Ke kudianjilaye kumpala lubilu, kubanda ku mutshi wa sikomore, bua kumona Yezu uvua ne bua kupitshila muaba awu.

Luke 7:13

Mfumu ubamona, kumvuilaye mamu awu luse. Kumuambilaye ne: — Lekela muadi.

Luke 7:19

Kubatumaye kudi Mfumu bua kumukonka ne: “Wewe ke Musungidi wetu utudi bamanye ne: udi ne bua kufika, anyi tuindile mukuabu?”

1 Korente 13:2

Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.