Luke 17:21 - MUKANDA WA MYIDI MUKULU

²¹ Muntu kakuamba ne: “Budi apa!” nansha ne “Budi kuaka!” Numanye amu ne: Bukalenga bua Mvidi Mukulu bukadi munkatshi muenu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ kabena bamba kabidi ne, Kabuobu aha! Anyi, Kabuobu kuakua! Monai, bukelenge bua Nzambi budi munda muenu.

Luke 17:21 ပူးပေါင်းရင်းမြစ်များ

Matayi 12:28

Bulelela, ndi ngipata mikishi mibi ku bukole bua Mueyelu wa Mvidi Mukulu. Ke bidi bileja ne: Bukalenga bua Mvidi Mukulu bukadi bufike kunudi.

Marke 13:21

Pikala muntu unuambila ne: “Tangilayi Meshiya udi apa!” nansha ne: “Udi papa,” kanuitabi to.

Luke 17:23

Nebanuambile ne: “Nyeye wawa!” nansha ne: “Nyeye ewu!” Kadi kanunyemenyiku bua kuya kumona to!

Luke 21:8

Yezu kuandamuna ne: — Nuadimukayi! Muntu kanushimi! Bualu bantu ba bungi nebafike, bangata dina dianyi, badiamba ne: “Ndi Kristu,” bamba kabidi ne: “Diba dikadi dikumbane!” Kanubalondi to.

Yowanane 1:26

Yowanane kubandamuna ne: — Meme ndi nnutua mu mayi. Kadi munkatshi muenu mudi muntu unudi kanuyi bamanye.

Yowanane 18:36

Yezu kuandamuna ne: — Bukalenga buanyi ki mbua pa buloba to. Bu bukalenga buanyi buikale bua pa buloba, bantu banyi bavua mua kuluangana myita bua kabamfidi mu bianza bia bamfumu ba bena Yuda. Kadi bukalenga buanyi ki mbua pa buloba to.

Rome 14:17

Bualu Bukalenga bua Mvidi Mukulu kabuena ku biakudia nansha ku biakunua. Kadi budi ku malu mimpe, ku bupole, ne ku disanka didi Mueyelu wa Tshijila utupesha.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.