Luke 17:16 - MUKANDA WA MYIDI MUKULU

¹⁶ Kudielaye mpala panshi ku makasa a Yezu, umuela tuasakidila. Muntu awu uvua muena Samariya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ wakadihonena, wakatua mpala wandi hanshi ku makasa a Yesu, wakamusakidila; yeye wakadi Muena Samalea.

Luke 17:16 ပူးပေါင်းရင်းမြစ်များ

Genese 17:3

Abrame kudiela mutu panshi. Mvidi Mukulu kumuambila ne:

Matayi 10:5

Yezu kutuma bapostolu bende dikumi ne babidi aba, ubambila bivuabu ne bua kuenza ne: — Kanuyi mu matunga a bantu badi kabayi bena Yuda, kanubuedi mu bimenga bia bena Samariya.

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Marke 5:33

Mukaji kutshina, bualu uvua mumanye tshivua tshimuenzekele. Kuyaye kudiela panshi ku makasa a Yezu, kumuambila amu muvua bualu.

Luke 17:17

Ke Yezu kuamba ne: — Disama dia bonsu dikumi ki ndijike anyi? Kadi bakuabu tshitema badi penyi?

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Yowanane 4:9

Mukaji muena Samariya kuandamuna Yezu ne: — Kadi, wewe udi muena Yuda! Muudi ukimina kundomba mayi a kunua, meme muena Samariya mbishi? (Bualu bena Yuda kabena bumvuangana ne bena Samariya to.)

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 8:48

Bena Yuda kuandamuna Yezu ne: — Tuvua tuambilamu ne: udi muena Samariya, kabidi ne: udi ne mukishi mubi munda muebe.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

1 Korente 14:25

Meji ende masokome neamueneke patoke. Nenku neadiele panshi bua kukukuila Mvidi Mukulu, neambe ne: “Mvidi Mukulu bushuwa udi munkatshi muetu!”

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Didimanyisha 4:10

bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

Didimanyisha 5:14

Bia muoyi binayi bivua bitshija ne: “Amene!” Ke bakulu kudiela panshi kukukuila.