Luke 17:10 - MUKANDA WA MYIDI MUKULU

¹⁰ Ke munudi nuenu kabidi. Panudi nukumbaja bionsu bidi Mvidi Mukulu unuambila, nuambe amu ne: “Tudi amu bena mudimu ba patupu. Tuvua bakumbaje amu bituvua ne bua kuenza.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nuenu kabidi nudi nunku; hanuashikisha kuenza malu onso akunuambilabo, nuambe ne, Tudi bahika ba tshianana, tuakuenza anu malu atuakadi nʼau bua kuenza.

Luke 17:10 ပူးပေါင်းရင်းမြစ်များ

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Yirmeya 32:23

Bushuwa, bavua bangata ditunga edi. Kadi kabavua bateleja tshiuvua wamba. Kabavua balonda mikenji yebe. Kabavua benza tshiuvua mubatumine diyi. Ke muuvua mutume makenga onsu aa atudi tumona lelu.

Matayi 25:30

Muena mudimu wa tshianana ewu, musakilayi pambelu mu midima. Adidilemu miadi, atutakaje ne menu.”

Luke 17:11

Pavua Yezu mu luendu, mutangile ku Yerushalayime, kupitshilaye ku mikalu ya buloba bua Samariya ne bua Ngalileya.

Luke 17:9

Neele muena mudimu wende tuasakidila bua padiye mukumbaje bivuaye mumuambile anyi?

Rome 11:35

Ukadi mudianze kumupa tshintu, bua Yeye amufute, amupingajile tshikuabu nnganyi?”

Rome 3:12

Bonsu mbapambuke mu njila muimpe, bonsu pamue mbashiye njila mululame. Kakuena udi wenza malu mimpe, kakuena nansha umue.

Filemone 1:11

Kale kavua ukulengelela to. Kadi mpindiewu ukadi utulengelela bubidi buetu.