Luke 16:26 - MUKANDA WA MYIDI MUKULU

²⁶ Vuluka kabidi ne: pankatshi petu nenu padi lupongu lule. Nanku bantu kabena mua kumuka kunu, kufika kunudi aku to. Kabidi kabena mua kumuka kunudi aku, kufika kutudi eku to.”

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bualu bukuabo kabidi, hankatshi hetu nʼenu hadi luhongo lunene ludi luikale tshiendelele, bua badi basue kumuka kutudi bua kuya kunudi, anyi badi basue kumuka kunudi bua kusambuka kulua kutudi, kabamanyi mua kuenza nunku.

Luke 16:26 ပူးပေါင်းရင်းမြစ်များ

Misambu 49:14

Umvuayi bidi bienzekela bantu badi baditekemena. Monayi kuaya bonsu badi baditemba.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Yezekiyele 28:24

“Maweja-Nangila udi ujadika ne: Tshisamba nansha tshimue tshidi mutumba ne Izrayele, katshiena mua kupotela kabidi bena Izrayele to. Kabakubatatshisha kabidi bu mudi meba atua, enza mibundabunda. Nanku bantu nebajadike ne: meme ndi Maweja-Nangila.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Luke 12:59

Ndi nkujadikila ne: kuakupatukamu, amu wewe mufute dibanza dionsu.

Luke 16:25

Kadi Abrahame kumuandamuna ne: “Muananyi, vuluka ne: uvua mupete biuma bia bungi, pautshivua ne muoyi panu. Diba adi Lazare uvua ne makenga mavule. Mpindiewu badi bamusamba munemu, kadi wewe udi mu dikenga.

Luke 16:27

Ke muena biuma kuamba ne: “Tatu, ndi nkusengelela ne: tuma Lazare mu nzubu mua tatu wanyi,

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Didimanyisha 20:10

Diba adi, nebele diabolu uvua mubadinge mu mayi manene avua atema kapia ka mvuanda. mukavuabu bamane kuela nyama ne muambi wa dishima. Nebabakengeshe muaba awu munya ne butuku kashidi.

Didimanyisha 22:11

Udi wenza malu mabi, atungunuke amu nawu. Udi musue kupia mikiya, apie amu mikiya. Kadi udi wenza malu mimpe, atungunuke amu nawu. Udi wa tshijila, ashale amu wa tshijila.

1 Samuele 25:36

Abiyayile upingana ku nzubu, kusanganaye Nabale wenzeja tshibilu. Tshivua tshibilu tshinene bu tshia mukalenga. Nabale uvua ne disanka dia bungi, mumane kukuatshika maluvu bikole. Nanku Abiyayile kena mumuambile bualu nansha bumue too ne muakatshiabu.