Luke 16:25 - MUKANDA WA MYIDI MUKULU

²⁵ Kadi Abrahame kumuandamuna ne: “Muananyi, vuluka ne: uvua mupete biuma bia bungi, pautshivua ne muoyi panu. Diba adi Lazare uvua ne makenga mavule. Mpindiewu badi bamusamba munemu, kadi wewe udi mu dikenga.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kadi Abalahama wakamba ne, Muanʼanyi, uvuluke ne, Wewe, hawakadi ne muoyo, wakadi ne bintu biebe bimpe, Lazalo kabidi wakadi ne bintu bibi; kadi katataka kunoko yeye udi usanka ne wewe udi ukenga.

Luke 16:25 ပူးပေါင်းရင်းမြစ်များ

Yobe 22:18

Kadi amu yeye ke uvua munemeshe meku abu. Tshiena mua kumvua meji adi bantu babi bela.

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Misambu 49:11

Tudi tumona mudi bena meji bafua, mudi bapela ne batshimbakane bashiya buloba. Bonsu mbashile bantu bakuabu bintu biabu!

Misambu 73:7

Badi ne kantu ku bianza, bapepeja bantu bakuabu, bela amu meji a kuenzelangana bibi.

Muadi 1:7

Yerushalayime matuku aa udi mu dikenga, uvuluka bintu bia mushinga mukole bivuaye nabi ku kale. Tshikondu tshivua baluishi bakuate bantu bende, kakuyi muntu nansha umue umuambuluisha, bavua bamutshimune kusankabu, bualu uvua mushale tshintu tshia tshianana.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Matayi 27:63

Kumuambilabu ne: — Mukalenga, tudi tuvuluka muvua muena dishima ewu, pavuaye ne muoyi, muambe ne: “Kunyima kua matuku asatu, nembike ku bafue.”

Marke 9:45

Pikala dikasa diebe dikufikisha ku bubi, udikose, bidi bimpe wewe kubuela mu muoyi wa tshiendelele ne dikasa dimue, pa mutu pa kushala ne makasa abidi, kukuimanshabu mu kandondu ka bafue. [

Luke 16:20

Kuvua kabidi muntu mupele, dina diende Lazare. Uvua ne biuja mubidi mujima, ulala ku tshiibi tshia nzubu wa muena biuma.

Luke 16:23

Muena biuma uvua ukengakana bikole mu kandondu ka bafue. Ukenzakana, kumonaye Abrahame ku bule, Lazare muikale pabuipi nende.

Luke 16:26

Vuluka kabidi ne: pankatshi petu nenu padi lupongu lule. Nanku bantu kabena mua kumuka kunu, kufika kunudi aku to. Kabidi kabena mua kumuka kunudi aku, kufika kutudi eku to.”

Luke 6:24

“Kadi nuenu babanji, nudi bena diakabi, bualu nukadi bamane kupeta diakalenga dienu!

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Rome 8:7

Bantu badi badina ne kasuki ku dienza dia bidi buntu buabu nkayabu bujinga, badi baluishi ba Mvidi Mukulu. Bualu kabena batumikila mikenji yende. Kabena nansha ne bukole bua kuyitumikila.

Dielulula 28:17

Maweja-Nangila kakunupa bimuma, ne ntete bisaka tente to. Nebishale anu munda mutupu.

Filipe 3:19

Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

1 Tesalonike 3:3

Nanku muntu nansha umue wa kunudi katenkakanyi mu ditaba, padibu batukengeshe. Nudi bamanye ne: makenga a nanku adi amue a ku malu adi Mvidi Mukulu mutulongoluele.

Ebrewu 11:25

Utata muanyishe bua banukengeshe pamue ne bantu ba Mvidi Mukulu pa mutu pa kusankaye mu malu mabi.

1 Yone 2:15

Kanunangi bukua panu, nansha malu a panu. Muntu udi unanga bukua panu, kena ne muaba munda muende wa kunanga Tatu.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.