Luke 16:24 - MUKANDA WA MYIDI MUKULU

²⁴ Nanku kuelaye diyi ne: “Tatu Abrahame, ungumvuileku luse. Tuma Lazare, atue lusongu lua munu wende mu mayi, bua kuntalaja pa ludimi. Bualu ndi nkengakana bikole mu kadilu aka.”

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Wakela dî diandi bikole ne, Tatu Abalahama, unfue luse, utume Lazalo, atue lusongo lua munu mu mai, antalashe ludimi luanyi, bualu bua meme ndi ne dikenga mu kahia aka.

Luke 16:24 ပူးပေါင်းရင်းမြစ်များ

Yobe 20:21

Padiye udia, kena ushila muntu tshintu. Kadi diakalenga diende kadiena dinenga.

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yeshaya 66:24

Nenku nebafike bua kumona bitalu bia bantu bavua bantombokele. Tshikusu tshidi tshibikunya katshiena mua kufua to. Kapia kadi kabiosha, kakena kajima lukasa to. Bidibu bamone nebikuatshishe bantu bonsu buowa.

Zekâya 14:12

Kadi bantu bonsu bavua baye kuluisha Yerushalayime, bipupu biabatumina Maweja-Nangila bidi nenku: minyinyi yabu yapambidi neyibole, bobu batshikale ne muoyi; mesu abu neabolele mu bindokundoku biawu, ludimi luabu nelubolele mukana muabu.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Matayi 3:9

Kadi lekelayi kuela meji ne: “Tudi mua kupanduka ku dinyoka, bualu Abrahame nnkambua wetu.” Bualu ndi nnujadikila ne: mabue aa, Mvidi Mukulu udi mua kuandamuna ndelanganyi ya Abrahame!

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Luke 16:30

Muena biuma ne: “Tatu Abrahame, ebi kabiena bikumbane to. Kadi pikala muntu mubiike ku bafue, muye kumonangana nabu, nebadilengeje.”

Luke 19:9

Ke Yezu kumuambila ne: — Lelu wewe ne bena diebe bonsu nudi bapete lupandu. Bualu wewe kabidi udi muntu wa ku ndelanganyi ya Abrahame.

Luke 3:8

Enzayi malu adi aleja ne: nudi bakaje nsombelu yenu. Kanudiambidi munda muenu ne: “Abrahame ke nkambua wetu.” Bualu ndi nnujadikila ne: Mvidi Mukulu udi mua kuandamuna mabue aa, ashale ndelanganyi ya Abrahame!

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yowanane 7:37

Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

Rome 4:12

Udi kabidi tatu wa badibu bateke panshi, kadi badi kabayi batekemena amu ku diteka panshi diabu adi. Badi balonda njila wa ditaba uvua Abrahame mulonde, nansha pavuabu kabayi banji kumuteka panshi.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Yakobe 3:6

Ludimi ludi bu kapia. Ludi tshimamuende wa bubi budi mu mubidi wetu, budi mua kutunyanga muetu muonsu mutudi. Ludi lutushidisha matuku onsu atudi pa buloba ne kapia kadi kafuma mu dijimba mene dia kapia.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Didimanyisha 22:1

Mutumibue wa Mvidi Mukulu kundeja musulu udi ne mayi a muoyi, ubalakana bu lusoka lua kristale. Musulu awu udi upatuka ku nkuasa wa butumbi wa Mvidi Mukulu, ne wa Muana wa mukoku,

1 Samuele 28:16

Mukishi wa Samuwele kukonka Shawule ne: — Udi unkonka meme tshia kuenza bua tshinyi? Udi mumone ne: Maweja-Nangila mmumane kukubenga mmushale muluishi webe.