Luke 16:2 - MUKANDA WA MYIDI MUKULU

² Nanku muena biuma kubikila muntu awu, umukonka ne: “Bualu bundi ngumvua bakuamba ebu budi bishi? Badika bintu bianyi bionsu, bualu kuakundamina kabidi bintu to.”

Mukanda wa Nzambi Dihungila Dikulukulu ne Dihungila Dihia-dihia 2003

² Wakamubikila, wakamukonka ne, Bualu buebe bunakunvua budi tshinyi? Umpeshe mukanda wa bulami buebe, bualu bua wewe kuena mumanye mua kushala mulami kabidi.

Luke 16:2 ပူးပေါင်းရင်းမြစ်များ

Muambi 12:14

Bualu Mvidi Mukulu nealumbuluishe muntu yonsu pa malu ende onsu, nansha mempe nansha mabi, nansha masokome mene.

Matayi 12:36

Ndi nnujadikila ne: dituku didi Mvidi Mukulu ukosa nsambu, nebalumbuluishe bantu bua miaku yabu yonsu idi kayiyi ilengelela.

Matayi 20:8

Dilolu dikumbana, muena budimi bua nwinyo kuambila mfumu wa bena mudimu ne: “Ubikile bena mudimu, ubafute difutu diabu. Utuadije ne bantu ba ndekelu bamvua muangate ku mudimu. Neujikije ne bantu bamvua muangate kumpala.”

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

Luke 12:42

Mfumu kumuandamuna ne: — Muena mudimu muimpe wa meji nnganyi? Se mmuntu udi mfumuende uteka ku mudimu wa kulama nzubu, ne wa kupesha bena mudimu biakudia diba diakane.

Luke 16:1

Yezu kuambila balongi bende ne: — Muena biuma kampanda uvua ne mumulaminyi wa bintu. Bantu kuambila muena biuma ewu ne: mukulaminyi wa bintu udi utulakaja bintu biebe.

Luke 16:3

Ke mulami wa bintu kudikonka nkayende ne: “Mfumuanyi wa mudimu udi unnyenga bintu bimvua mumulamine. Mpindiewu nengenze tshinyi? Tshiena ne bukole bua kudiina. Bundu budi bungenza bua kushala muena lulombu.

Rome 14:12

Nenku yonsu wa kutudi neadilumbuluile nkayende kudi Mvidi Mukulu.

1 Korente 1:11

Bualu, bana hetu, bena diku dia muanetu wa bakaji Klowa bavua bammanyishe ne: nudi batapulukangane.

1 Korente 4:2

Kadi tshidibu batekemena kudi muntu udibu bafundile mudimu ntshinyi? Badi bajinga amu ne: aukumbaje pa wowu!

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

1 Timote 5:24

Mibi ya bamue bantu idi imueneka patoke, kabayi banji kubalumbuluisha. Kadi mibi ya bakuabu idi imueneka anu ku shoo.

1 Petro 4:10

Nuambuluishangane ne mapa adi yonsu wa kunudi mupete kudi Mvidi Mukulu. Ke munudi mua kuenza mudimu bimpe ne mapa mashilangane anudi bapete kudi Mvidi Mukulu nanku.

1 Petro 4:5

Kadi bua bivuabu benza nebadilumbuluile kudi Mvidi Mukulu, ukadi pa kulumbuluisha ba muoyi ne bafue.

Didimanyisha 20:12

Pashishe meme kumona bafue bonsu, baneme ne bashadile, bimane kulu kumpala kua nkuasa wa butumbi. Kubululabu mikanda. Kubululabu kabidi mukanda mukuabu, mukanda wa muoyi. Kulumbuluishabu bafue, bilondeshile malu avuabu benze, avuabu bafunde mu mikanda ayi.