Luke 15:4 - MUKANDA WA MYIDI MUKULU

⁴ — Pikala muntu wa kunudi ne mikoku lukama, yeye mujimije umue, kena ushiya mikuabu makumi tshitema ne tshitema mu mpata, bua kuya kukeba udi mujimine anyi? Kakuikisha too ne muawangulaye.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Muntu kai wa munkatshi muenu, bikaleye ne lukama lua mikoko, hajimisheye mukuabo, kena ushîa minga makumi tshitema ne tshitema mu tshihela wenda ukeba udi mujimine tô ne haumoneye?

Luke 15:4 ပူးပေါင်းရင်းမြစ်များ

Misambu 119:176

Ndi mupambuke bu mukoku mujimine; fika ungambuluishe meme muena mudimu webe, bualu tshiena mpua meyi ebe muoyi.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Yirmeya 33:13

Mu bimenga bia pa mikuna, ne bia mu bibandabanda, mu bimenga bia mu Negebe, mu buloba bua Binyamine, ne mu bimenga bia Yuda, mbuji ne mikoku neyipitemu bungi. Mulami wayi neayilombole, ayibale. Ke mundi meme Maweja-Nangila ngamba.

Yirmeya 50:6

Bantu banyi bavua bu tshisumbu tshia mikoku mipambuke. Balami bayi ke bavua bayipambuishe. Ke bavua bayilekelela, itambakana eku ne eku pa mikuna, kayiyi ivuluka kabidi lupangu luayi.

Yezekiyele 34:16

Nenkebe mukoku uvua mujimine, nempingaje mu tshikumbi uvua mupambuke, nensuike buanga pa mputa wa uvua mutapike, nemfululule uvua usama. Kadi nembambishe udi ne mafuta mapite bungi, nansha udi ne bukole bua bungi, bua kauyi kutatshisha mikoku mikuabu. Nendame mikoku yanyi anu bimpe.”

Yezekiyele 34:31

“Eyowa, nuenu bantu ba mu tshisamba tshianyi, ndi munulame, bualu ndi Mvidi Mukulu wenu. Meme Maweja-Nangila Mvidi Mukulu ndi njadika nanku.”

Yezekiyele 34:4

Kadi kanuena bakankamike mikoku idi kayiyi ne bukole, kanuena bondape idi isama, kanuena bele buanga pa mputa ya mikoku idi mitapike. Kanuena bapingaje idi mipambuke munkatshi mua mikuabu, kanuena bakebe idi mijimine, kadi nudi bayikengeshe bikole ne tshikisu.

Yezekiyele 34:8

meme Maweja-Nangila udi ne muoyi ndi nnuambila ne: bidi bintonda pandi mmona mikoku yanyi mu bianza bia bivi. Bu mudiyi kayiyi ne bayilami, ikadi tshiakudia tshia nyama ya ditu. Bualu balami kabena baditatshisha bua mikoku yanyi to. Pa mutu pa kuyikeba bimpe, badi badivuluka amu bobu nkayabu.

Matayi 12:11

Yezu kubebeja ne: — Muntu wa kunudi, yeye muikale ne mukoku amu umue, wowu mukuluke mu tshiina tshile dituku dia Dikisha, kena mua kuya kuupatula mu tshiina amu anyi?

Luke 13:15

Yezu kumuandamuna ne: — Nudi bena mpala ibidi! Dituku dia Dikisha, nuenu bonsu kanutu nusulula nyama wa ngombe nansha mpunde bua kumufila ku mayi anyi?

Luke 15:3

Ke Yezu kubelela lusumuinu ne:

Luke 19:10

Muana wa muntu mmufike bua kukeba ne kusungidila bantu bavua bajimine.

Rome 2:1

Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

1 Petro 2:25

Bualu nuvua bu mikoku mipambuke njila. Kadi mpindiewu mbanupingaje kudi mulami udi mua kunuludika mu njila, kulama mioyi yenu.